Yeremia 15:10 - Baibuli Ekibono kya Katonda 2014

¹⁰ Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 15:10 ပူးပေါင်းရင်းမြစ်များ

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Zabbuli 109:28

Ka bankolimire aye nga iwe ompa bwa nkabi! Ni bwe baanumba, ka baswale aye nga nze omugheereza wo nsangaala busangaale.

Zabbuli 15:5

Bw'awola empiiya tasuubira magoba, era ole tasobola kumugula kulumiriza muntu aziraku musango. Omuntu ng'oti n'oyo ghazira kisobola kumutengeesa.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Okuvaayo 22:25

“Bw'owolanga empiiya omuntu yeenayeena ku bantu bange abaavu b'olimu, otakolanga ng'abaghozi abandi, n'omutoolaku magoba.

Ensambo 26:2

Ng'enkazaluya bw'epuuluukira eyo etyo, n'akamiini ni kagulukira eyo katyo, n'ekikolimo eri omuntu aziraku nsonga kityo bwe kiba, tikimugema.

Yeremia 15:20

Ndidha kukufuula obe ye bali ng'oti kimante ekigumu eky'ekyuma eky'ekikomo. Balikulwanisa aye tibalikughangula, kuba ndidha kubanga ghalala niiwe okukukuuma n'okukuwonia ebizibu.

Abalevi 25:36

Otamutoolangaku magoba waire, aye otyanga Katonda wo, waaleka Muisiraeli mwino yaaba gh'oli.

Abalevi 25:37

Otamusabanga magoba ku mpiiya dh'omuwola, oba ku mere y'omuguza.

Habakkuku 1:3

Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Matayo 24:9

“Mu biseera ebyo balibagema baabaghaayo okudaazibwadaazibwa, n'okwitibwa. Abamaghanga agandi boonaboona balibakyagha nga babalanga nze.

Matayo 5:44

Aye nze mbakoba nti: Mugonzanga abazigu baimwe, era musabiranga abo ababakiriga.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Luka 6:22

“Muli ba nkabi abantu bwe banaabakyaghanga, bwe banaabeeyawulangaku, bwe banaabavumanga, bwe baneenhinhalanga eriina lyaimwe bati ibi, nga babalanga Omwana ow'Omuntu.

Ebikolwa by'Abatume 28:22

Aye twandyenze okumanha iwe ky'odhuuba ku kikunsu ekyo, kuba twidhi nga kiisi ghantu woonawoona, bakitakania.”