Yeremia 14:9 - Baibuli Ekibono kya Katonda 2014

⁹ Lwaki oba ng'omuntu asobeirwa, era n'oba ng'omulwani ow'amaani aye atasobola kutuwonia naire? Ate nga bwenebwene iwe Musengwa oli mu ife. Ife tuli bantu bo, otatulekulira agho.’ ”

Yeremia 14:9 ပူးပေါင်းရင်းမြစ်များ

2 Ebyomubyanda 7:14

aye abantu bange abo ni bagonda ni bansaba, era ni balekera agho okukola ebibi ni baira ye ndi, olwo nze ndidha kubawulirisanga eyo mu igulu ye mba, mbasonighenga ebibi byaibwe era mponienga ensi yaibwe.

Zabbuli 10:1

Wo Musengwa Katonda, lwaki oba ghala otyo? Lwaki weegisa mu biseera ebizibu?

Zabbuli 27:9

otaneegisaaku.” Otansungughalira nze omugheereza wo, otaaminga mu maiso go. Niiwe omubeezi wange. Otansuula ere na kundekulira agho, Katonda wange iwe obulokozi bwange.

Zabbuli 46:5

Katonda mwene aba mu kibuga ekyo, era tikisobola kuzikirizibwa; Katonda awuuna buwuune mu nkyonkyo okukirwanirira.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Isaia 63:19

Twafuuka ng'oti n'abantu b'otafugangaku, abatabangaku babo naire.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Yeremia 51:5

kuba nze Musengwa Katonda, Katonda Afuga Amagye, tirekuliire agho Baisiraeli na Bayudaaya, waire nga beene baiza omusango ye ndi, nze Omutukuvu wa Isiraeli.

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Okulira 5:20

Lwaki otwerabiire obwaga agho? Lwaki otulekuliire agho?

Ezekieli 48:35

Obuleeyi bwonabwona aghalala obw'ekisenge kye mulizimba ku kibuga okukyezunguluza, buliba mita kenda (9,000). Era ekibuga ekyo kiryetebwanga eriina, Musengwa Katonda ali omwo.”

Habakkuku 1:2

Wo Musengwa Katonda, ndituusa li okukulirira okutuyamba ng'otusiriikiriire? Oli tuwonia li abo abatukola ebikolwa eby'obukambwe?

Zekaria 2:5

Musengwa Katonda akoba ati mwene n'aliba ekimante eky'omuliro okwezungulula ekibuga ng'akikuuma, era ati mwene n'aliba ekitiibwa ky'ekibuga ekyo.”

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Okubala 11:23

Musengwa Katonda yaamwiramu ati: “Olowooza oti amaani gange ghaligho ghe gakoma? Buti oidha kubona oba nga kye nkobye kinaatuukirira oba tikiituukirire.”

Ebikolwa by'Abatume 15:17

Abantu abandi boonaboona n'abamaghanga agandi boonaboona, be nayeta okuba abantu bange, basobole okunoonia Musengwa.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Amateeka Agokubiri 23:14

Mukuumenga ekifo ghe munaasimbanga weema dhaimwe nga kirongoofu. Kuba Musengwa Katonda waimwe aidha kubanga ghalala n'imwe mu kifo ekyo ng'abakuuma, olwo abasobozesenga okughangula abazigu baimwe. Mweghalenga ekintu ekibi kyonakyona, ekighanga okumusungughaza n'abavaaku n'abalekulira agho.”

Amateeka Agokubiri 28:10

Olwo amaghanga goonagoona ag'oku nsi gaidha kubatyanga, nga gabona Musengwa Katonda nga bw'abeeta abantu be abalondemu.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.