Yeremia 14:7 - Baibuli Ekibono kya Katonda 2014

⁷ Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Yeremia 14:7 ပူးပေါင်းရင်းမြစ်များ

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Zabbuli 115:1

Aa Musengwa Katonda, ti niife abagwaniire okugheebwa ekitiisa, ti niife naire naire. Aye niiwe oteekwa okugheebwa ekitiisa, olw'okugonza kwo okutakoma n'obwesigwa bwo.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 79:9

Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Isaia 48:11

Kale bye nkola byonabyona, mbikola lwa bulungi bwange nze, ndobe kuleka liina lyange kuswazibwa, oba okuleka ekitiisa kyange owundi okukigabanaku.”

Isaia 59:12

“Wo Musengwa Katonda, twakola ebibi kamaala y'oli, era okusobya kwaife okwo kwene kutulumiriza kuba ebibi byaife tubibona, n'okusobya kwaife tukwidhi bukalamu.

Yeremia 10:19

Agho abantu bairamu bati: “Tukagwireku okufumitibwa ebibwa tuti. Batutaireku ebibwa ebitaja kuwona. Aye tuzira kya kukoba: enaku eno etutuuseeku tuteekwa kugigumira.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 5:25

Aye ebibi byaimwe bibaleetera obutafuna bintu ebyo; okwonoona kwaimwe okwo kubafiiriza ebirungi ebyo.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Yeremia 8:5

Memale lwaki imwe abantu bange mwadaaliima ni munvaaku obutenda kwira naire? Mwekalangula ku by'obuguya mwaloba okwira ye ndi.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Hosea 5:5

Abaisiraeli abo okwekuluntaza kwaibwe kubabonekera ni ku maiso. Ebibi byaibwe biribaleetera okugwa, n'Abayudaaya boona baagwa ghalala nabo.

Hosea 7:10

Okwekuluntaza okw'Abaisiraeli kubalumiriza omusango. Aye waire ng'ebyo byonabyona bibairegho, tibakyukangaku ni baira eri nze Musengwa Katonda waibwe.

Amosi 7:2

Enzige bwe dhaamala okulya eisubi lyonalyona eryali buli ghantu, naakoba nti: “Wo Musengwa Katonda, nkweghembye sonigha abantu bo! Abaisiraeli banaawonera gha, ate nga batono era banafu?”

Mika 7:9

Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”