Yeremia 14:3 - Baibuli Ekibono kya Katonda 2014

³ Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yeremia 14:3 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 19:4

Kyabazinga yeeghemba mu maiso, yaawowoola ati: “Woowe, omwana wange Abusalomu! Woowe, Abusalomu omwana wange! Omwana wange!”

1 Bakyabazinga 17:7

Bwe ghaabitaghooku ekiseera, akaiga kaakamiira olw'amaadhi obutagwa mu nsi eyo.

2 Bakyabazinga 18:31

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala by'emizabbibu egigye ku bubwe, n'eby'emiti emitiini egigye ku bubwe, era anhwenga amaadhi ag'omu nsulo eyiye ku bubwe,

Yobu 6:20

Aye baswala, kuba baabwesigira bwereere bwe babutuukaku ni batabona maadhi, basoberwa baayasaamirira.

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Zabbuli 40:14

Abo abenda okundhita, baswaze era basoberwe. Abo abenda okuunumya, bairirizeeyo era banhoomebwe.

Yeremia 14:4

Abalimi basoberwa, beeghemba mu maiso nga baswaire, olw'amaadhi obutagwa eitaka ni libbalanguka.

Yeremia 15:18

Lwaki obulumi bwange bweyongera bweyongere? Lwaki eibwa lyange lifuuse lya kokolo, ni litawona? Oyenda kunfuukira ng'oti n'akaiga akateesigika, akakala mu biseera by'endoboozi? Oba ng'oti n'amaadhi agaloba okugwa mu biseera ebituufu?”

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:37

N'eyo e Misiri mulivaayo nga mwetwise emikono gyaimwe ku mitwe, nga muswaire. Abo be mwesiga, nze Musengwa Katonda mbalobye, era timulibafunamu kalungi naire.”

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Okulira 4:4

Baleka abaana baibwe enimi dhaabakalira mu kanwa mwaibwe olw'endiwo ey'amaadhi; abaana baasaba emere aye ghaabula agibagha.

Hosea 2:3

Bw'ataalekere ndidha kumwambulamu ebivaalo asigale madu ng'oti ni bwe yali ku lunaku lwe baamuzaaliraku. Ndidha kumufuula ng'oti irungu, abe ng'oti itaka ikalu ery'olubbalangu, era mmuleetere okufa endiwo.

Yoeli 1:20

N'ensolo edh'omu nsiko dhikulirira, olw'amaadhi agaakala mu miiga n'olw'eisubi eryakala mu byayiro ng'oti lye bookiikya omuliro.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Amosi 4:8

Kale abantu ab'omu bibuga ebibiri oba ebisatu, baaja nga batambulatambula eyo batyo mu kibuga ekirala okufuna ku maadhi ag'okunhwa, aye nga ti gabamala. Aye era mwaloba okwira ye ndi.

Zekaria 14:17

Era eighanga lyonalyona eritaaniineniinenga kuja Yerusalemu, okusinza Musengwa Katonda Afuga Amagye era Kyabazinga, ekiketezo kyalyo tikiigwengamu maadhi naire.