Yeremia 14:2 - Baibuli Ekibono kya Katonda 2014

² “Ensi Buyudaaya eri mu kulira, ebibuga byamu biri kufaagho. Abantu baamu balambaala ku itaka olw'okunakughala. N'ab'omu Yerusalemu baawowoola ebitaloodheka.

Yeremia 14:2 ပူးပေါင်းရင်းမြစ်များ

Yobu 34:28

Baaleetera abaavu okumulirira. Yaawulira okulira kwaibwe nga babadaazadaaza.

Zabbuli 144:14

n'ente dhaife dhaazaalagana aghazira kusondhola oba okufiisa. N'ebibuga byaife byona bigwananga byaloba kulumbibwa bazigu, enguudo dhaamu dhaabulamu enduulu n'okulira.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 24:11

Abantu baasiikanira bwa mu nguudo olw'okubulwa omwenge gw'emizabbibu. Amasanhu goonagoona gaamala okutuuka ghe gakoma, era okusagamba mu nsi kwamala okukomezebwa.

Isaia 24:4

Ensi ewolongeire n'ebigiriku byayongobera; eitaka likaze n'ebiririku byaniala. Ebiri ghaigulu ku igulu n'ebiri ghansi ku itaka byonabyona bifafaagaine.

Isaia 24:7

Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Isaia 3:26

Endhigi dha Yerusalemu dhiriwowoola amaziga, dhaagegenga. Ate ekibuga Yerusalemu kyene kiriba ng'oti n'omukazi enaku y'ekubye, n'atyama obwagho ku itaka amadu.

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 12:11

Bagifiire bifulukwa byereere omuzira kalungi ke mbonaku. Ensi eyo yoonayoona efuuse irungu, aye ghazira na muntu afaayo naire.

Yeremia 12:4

Ensi yaife erituusa li okukala, n'eisubi lyamu lyonalyona okuniala? Ensolo n'enhonhi dhiri kufa, olw'obubi bw'abantu baife abo abakoba bati: “Katonda tabona bye tukola.”

Yeremia 18:22

Basindikire eikuukuubira ery'abanhazi libazinduukirize libagweku, olwo bawowoole mu ndhu dhaibwe; kuba basimye ebiina mbigwemu, bantega n'emitego gingemye.

Yeremia 4:28

‘Ekyo kirireetera ensi okulira, ni ku igulu kwairugala; kuba nze kye ndhogeire tiidha kukikyusaamu naire, era kye nsazeegho tiidha kukivaaku naire.’

Yeremia 46:12

Amaghanga kamaala gaawulira bwemwaswala, buli muntu yaabawulira nga mulira amaziga. Abalwani baabandagana beene na beene, boonaboona baagwa ghansi.

Yeremia 8:21

Omwoyo guunuma olw'abantu bange abalumizibwa. Era ntiire inho naawaamu amaani n'enaku yangema.

Okulira 2:8

Musengwa yasalagho nga mumalirivu okuzikiriza ekimante ekyezungulwire ekibuga Sioni. Yasooka kukipima n'oluwuuzi olupima, ghabule akasigalagho nga tikamenheibwa. Yakizikiriza n'omukono gwe gwene, ng'obona ebituuti ebirengererwaku n'ebimante ebyali byezungulwire ekibuga nga biri ng'oti biri kulira maziga, era byaba agho bityo nga gabiwoire.

Okulira 2:9

Endhigi dhaakyo dhaagwa era ebiwumpu byadheebungaku, n'eminhololo egyadhisibanga gyamenhekamenheka. Kyabazinga waamu n'abakungu be bali eyo mu maghanga mu bunhage, era mu kibuga ekyo timukaalimu mateeka. Abalanzi baamu tibakaabonekerwa Musengwa Katonda.

Okulira 5:10

Emibiri gitusuuyiriire ng'oti n'abali gha ziiko, olw'endhala etuleetera okwokererwa.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Yoeli 1:10

Enimiro dhaazika, eitaka lyawolongera; kuba engaano yazikirizibwa, emizabbibu mwe bakunha omwenge gyaniala, n'ebibala eby'emiti emyoliva mwe bakamula omuzigo byakala.

Yoeli 1:11

Imwe abalimi munakughale; imwe abalabirira emizabbibu muwowoole. Kuba engaano, ni Sayiri, n'ebindi byonabyona ebikungulwa bizikiriire.

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Yoeli 2:6

Abantu bwe badhirengera nga dhija ye bali, batya inho baasiiwuuka n'okusiiwuuka.

Haggai 1:11

Ndeeteire endoboozi okugwa mu nsi eno: egwe ku nsozi dhaayo, ni ku nimiro dhaayo edh'engaano, n'edh'emizabbibu, n'edh'emiti emyoliva, ni ku birime byonabyona. Era egwe ni ku bantu, ni ku nsolo, ni ku ebyo byonabyona bye mukola.”

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

1 Samueli 5:12

Abo abataafa Katonda yabasindikira okulwala ebizimba. Agho abantu ab'omu kibuga baalira, era okulira kwaibwe kwatuuka mu igulu.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”