Yeremia 14:18 - Baibuli Ekibono kya Katonda 2014

¹⁸ Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 14:18 ပူးပေါင်းရင်းမြစ်များ

Isaia 22:2

Iwe ekibuga ekiidhwire okwasiikana, akeegugungo n'okusasamala, abantu bo abaitiibwa, tibaitiibwa mpiima waire okufiira mu lutalo.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 23:21

Agho Musengwa Katonda yaakoba ati: “Nze tyatuma balanzi abo, aye beene baaja buje. Tyabagha bukwenda naire, aye beene baalanga bulange mu liina lyange.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 6:25

Ghatabaagho muntu aja mu nimiro, waire atambulatambula mu ngira; kuba abazigu baife bagemye empiima, buli ghantu ghali ntiisa ndhereere.”

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Okulira 1:20

Wo Musengwa Katonda, bona eno ndi mu buzibu bwa maani era ntabwirwa mu mwoyo. Olw'obudheemu bwange ndi mughafu adaaga. Mu nguudo edh'omu kibuga abatemo bali kwita abantu bange, ate mu ndhu mba ng'oti ndi bwa mu magombe.

Okulira 2:19

Muzuuke obwire emikuzi egigheraku mulirire Musengwa! Mumukobere ebibali ku mwoyo byonabyona ng'awulira. Mughanike amakono mugoolekeze Musengwa Katonda, nga musabira abaana baimwe abali kulambukira endhala ku nguudo dh'ekibuga.

Okulira 4:9

Abaafumitibwanga empiima baafanga bulungiku okusinga abaafanga endhala; kuba bano baalambukanga mpola okutuusa lwe baafanga, olw'okubulwa emere ey'okubabeesaagho nga balamu.

Ezekieli 7:15

Abantu abaliba kuliya baliitagana, n'abaliba mu ndhu baafa endwaire ya kawumpuli n'endhala. Abaliba mu byalo baliitagana, ate abaliba mu kibuga baafa kulambuka ndhala na ndwaire ya kawumpuli.

Amosi 4:6

“Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.