Yeremia 14:16 - Baibuli Ekibono kya Katonda 2014

¹⁶ N'abantu be bakobera obulanzi obwo boona baliitibwa mu nsambo n'endala. Emirambo gyaibwe, ghalala n'egya bakazi baibwe, n'egya batabane baibwe ni baghala baibwe, gija kusuulibwa mu nguudo dha Yerusalemu, nga ghazira na muntu agiziika mu nsambo eyo mbeesasuulizeeku olw'ebibi byaibwe.”

Yeremia 14:16 ပူးပေါင်းရင်းမြစ်များ

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 9:16

Abakulembeze ab'abantu bano babakiidhamya bukiidhamye, era baabaleetera okudaaliimira irala.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 18:21

Wo Musengwa Katonda, kale ni leka abaana baibwe balambuke endhala bafe, obaleke bafiire mu ntalo. Abakazi baibwe ka babuleku abaana era babe banamwandu. Abasaadha ka bafe endwaire ya kawumpuli, abaisuka baitibwe mu ntalo.

Yeremia 20:6

N'iwe Pashuhuri, balikugema baakutwala e Babilonia ghalala n'ab'omu maka go boonaboona. Era eyo y'olifiira, waaziikibwa iwe ni bakagwa bo boonaboona be wakoberanga obulanzi obw'obuguya.’ ”

Yeremia 27:15

Musengwa Katonda mwene akoba ati tabatumangaku, kale ni bye balanga mu liina lye bya buguya. Era birireetera Musengwa Katonda oyo okubabinga imwe mu nsi yaimwe, mwaja mwazikiririra eyo ghalala n'abalanzi abo ababaguya.”

Yeremia 4:18

Imwe Abayudaaya, niimwe beene abeereetera ebyo, olw'ensambo ye mwebisangamu n'ebintu bye mwakolanga. Ebibi byaimwe n'ebyabaleetera okudaagadaaga okwo, era bibafumitiire irala ku mwoyo.”

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 7:33

Emirambo gy'abantu giriba mere ya nhonhi, na ya nsolo dha mu nsiko, nga ghazira adhirobera naire.

Yeremia 8:1

“Mu kiseera ekyo, amagumba ga bakyabazinga ba Buyudaaya, n'ag'abakungu ba Buyudaaya, n'aga bakabona, n'ag'abalanzi, n'ag'abantu abandi ab'omu Yerusalemu, gaja kutoolebwa mu magombe gaago.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Yeremia 9:20

Nze naakoba nti: “Bakazi imwe, muwulire ebibono bya Musengwa Katonda, era mwetegereze by'akoba. Mwegerese baghala baimwe okulira amaziga, era buli muntu ayegerese mwine okugegenga;

Yeremia 9:22

Emirambo gy'abantu gija kusigala bw'agho gityo, ng'oti mmungo dha busa mu nimiro, era ng'oti binhwa bya ngaano bye bakesiisa ni baleka obwagho, ni ghabulagho omuntu abitoolagho.”

Ezekieli 39:14

Emyezi omusanvu nga giwoireku, balironda abantu baabataagho baaja nga babitabita mu nsi eyo okunoonia n'okuziika emirambo egiriba gikaasigaire ku ngulu, basobole okulongoosa ensi eyo.

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Okwolekebwa 16:1

Agho naawulira amamiro ag'amaani nga gava mu isinzizo, gaakoba bamalaika omusanvu gati: “Muje muyughe ku nsi ebibya omusanvu eby'obusungu bwa Katonda.”