Yeremia 13:9 - Baibuli Ekibono kya Katonda 2014

⁹ “Nze Musengwa Katonda ntyo bwe nja okumalagho okwekuluntaza okw'abantu b'omu Yerusalemu n'ab'omu Buyudaaya yoonayoona.

Yeremia 13:9 ပူးပေါင်းရင်းမြစ်များ

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 23:9

Musengwa Katonda Afuga Amagye n'eyaleetera ebyo okubaagho, asobole okumalagho okwekuluntaza kwaibwe, era aise ghansi abo abazira muntu wundi abasinga kuba na kitiibwa mu nsi.

Yeremia 13:8

Agho Musengwa Katonda yankoba ati:

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Ezekieli 16:50

Beetwalanga nga ba ghaigulu era baakolanga ebyenhinhalwa nga mbona. Kyenava ni mbazikiriza nga mboine ebyo.

Ezekieli 16:56

Koodhi tiwayeeyerezanga muganda wo Sodoma bwe wali ng'okeebona ng'oli wa ghaigulu,

Abalevi 26:19

Ndidha kutoolangagho obuyinza bwaimwe obubaleetera okwekuluntaza. Tighaabenga maadhi gagwa, olwo ensi yaimwe yaakala, yaabbalanguka ng'oti kyuma kya kikomo.

Nahumu 2:2

Kuba Musengwa Katonda aja kwirizaagho Yakobo ekitiibwa kye ekyo nga n'ekitiibwa eky'Abaisiraeli ekyaligho ng'abazigu bakaali kwidha abaanhaga ebintu.

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”