Yeremia 13:27 - Baibuli Ekibono kya Katonda 2014

²⁷ Musengwa Katonda oyo ababona nga mukola ebintu ebyenhinhalwa. Era yaababona nga muja eri bakatonda ab'amaghanga agandi ku nsozi ni mu nsiko. Mwaba ng'oti n'omuntu omwenzi, oba ng'oti n'embalaasi enume bw'emoolera okuniina enkazi. Imwe abantu ab'e Yerusalemu mukagwireku! Mulibaaku li abalongoofu?

Yeremia 13:27 ပူးပေါင်းရင်းမြစ်များ

Zabbuli 94:4

Ababi boonaboona beesaaka olw'ebikolwa byaibwe ebibi bye bakola.

Zabbuli 94:8

Mulitegeera li imwe abadoofu abasembayo? Mulibaamuuku li ku magezi imwe abasiru?

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Isaia 57:7

Mwala obuliri bwaimwe ku nsozi endeeyi engungumavu, era eyo ye muja ni mughaayo emisengo, ni mukola n'obwamalaaya obw'omu masabo.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 11:15

Kale oba nga abantu abo be ngonza ntyo bakoze ebibi, memale bakaagwaniire okungira mu isinzizo lyange? Balowooza bati obweyamo bwe bakola, n'ensolo dhe baghaayo ng'emisengo, bisobola okulobera akabi okubatuukaku, era byabaleetera okusagamba?

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Ezekieli 16:23

Musengwa Katonda akukoba iwe Yerusalemu ati: “Okagwireku, era okagwireku inho! Bwe wamala okukola ebibi ebyo byonabyona,

Ezekieli 2:10

Agho yaazingulula enzingo ey'ekitabo eyo mu maiso gange, naabona nga yaghandiikibwaku munda ni ku ngulu. Yali nga yaghandiikibwaku ebibono eby'okulira enaku, n'okugegenga, n'okuwowoola.

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Ezekieli 24:12

Aye ndaagiire bwereere, omubiri gw'obutalaivu munene inho, tigusobola kuwaamu na muliro.

Ezekieli 24:13

Yerusalemu, obutalaivu obwo n'obwo obwenzi bwo bw'okola. Era olw'okuba nafuba inho okukulongoosa aye nga tosobola kulongooka n'owaamu ikoodera, toliiramu kabiri kulongooka okutuusa lwe ndikumaliraku obusungu bwange.

Ezekieli 24:6

Musengwa Katonda kyava n'akoba nti: “Ekibuga ekyo ekirimu abatemo kikagwireku! Kiri ng'oti sefuliya erimu obutalaivu, ng'obutalaivu bwamu tibutoolwangamuuku. Toolamu emamba kinofu kirala kirala nga tiweeroboza.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Ezekieli 36:37

Musengwa Katonda era akoba ati: “Ndiiramu okuganha ab'eighanga Isiraeli, bansaba okubakolera ekintu kyonakyona, era ndibaleetera okweyongera obungi ng'oti n'entaama bwe dheeyongera.

Ezekieli 6:13

Emirambo gy'abo abaitiibwa girigwa bw'agho gityo ghagati mu bisinzibwa ebitali Katonda, okwezunguluza alutaari dhaibwe. Era gityo bwe girigwa ku buli kasozi kagungumavu, na buli ku ngulu kwa lusozi lunene, na buli ghansi gha muti mukologho muzibirivu, na buli mu kifo abantu kye baajangamu okughaayo ebigheebwayo eby'obuwoowo obusangaaza. Olwo abantu boonaboona baamanha nga ninze Musengwa Katonda.

Hosea 1:2

Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab'obwamalaaya, kuba abantu bange banviireku nze Musengwa Katonda, tibakaali beesigwa naire.”

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 8:5

Nze nakyagha ekifaananie eky'ente ento eya zaabu, abantu b'omu Samaria kye basinza. Obusungu bwange buja kubatumbukiraku ng'oti muliro. Balirekera li okusinza ebitali Katonda, ni bafuuka abalungi?

Zefania 3:1

Ekibuga Yerusalemu kikagwireku. Kiidhwire abantu abadheemu, n'aboonooni, n'abatuntuza banaibwe.

Matayo 11:21

Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.

2 Ab'e Korintho 12:21

Era ntya nti bwe ndiidha kabiri, Katonda alinfeebya mu maiso gaimwe, naalira olw'abantu kamaala abaakola eira ebibi, aye ni bateiraku olw'ebikolwa eby'obwenzi n'obudankaanu bye baakola.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

Okwolekebwa 8:13

Agho naabona era naawulira enkookooma, yaaguluka nga yeeruupiise ghaigulu ng'eyasiikana eti: “Mukagwireku! Mukagwireku! Mukagwireku imwe abali ku nsi, amagwala agandi asatu bwe ganaavuga bamalaika abasatu ge baja okufuuwa.”