Yeremia 13:24 - Baibuli Ekibono kya Katonda 2014

²⁴ Musengwa Katonda aidha kubasansaania ng'oti n'empewo eva mu irungu bw'esansaania ebikaba.

Yeremia 13:24 ပူးပေါင်းရင်းမြစ်များ

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Yeremia 18:17

Ndidha kusansaaniza abantu bange y'abazigu baibwe, ng'oti n'empewo eva mu buvandhuba bw'efuuwa enkungu. Akabi bwekalibaidhira, nja kubakuba bwa nkoone, tija kubayamba naire.”

Yeremia 9:16

Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Ezekieli 17:21

Abaisirukale be abasinga kulwana baliitirwa mu lutalo, ate abalirumuka ni bawonagho baasansaanira mu ndhuyi dhoonadhoona. Olwo mulimanha nga nze Musengwa Katonda ninze ndhogeire.”

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Ezekieli 6:8

“Aye ndirekaghooku abandi abaliwona okwitibwa, naabasansaaniza eyo mu maghanga,

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Zefania 2:2

nga mukaali kufuuyibwa ere na mpewo ng'oti bikaba. Mwenenie ng'obusungu bwa Musengwa Katonda obwokya ng'oti muliro bukaali kubaidhaku, era ng'olunaku lw'aja okulagiraku ekiruyi kye lukaali kutuuka.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 32:26

Naalikobye nti, ka mbasansaanize eyo eghala, ghalobe kubaagho abaidhukira waire omulala ati.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.