Yeremia 13:20 - Baibuli Ekibono kya Katonda 2014

²⁰ Iwe Yerusalemu, bona ere! Abazigu bo bali kwidha nga bava ku luuyi olw'omukono omugooda olw'e buvandhuba! Abantu abaakugemesebwa okulabirira, abantu abo abaakweyagazanga einho, buti bali gha?

Yeremia 13:20 ပူးပေါင်းရင်းမြစ်များ

Ensambo 14:28

Abantu kyabazinga b'afuga ye bakoma okuba abangi, n'ekitiisa kye ye kikoma okuba ekikologho, aye b'afuga bwe batabaagho, n'ekitiisa kye tikibaagho.

Yeremia 1:14

Agho Musengwa Katonda yankoba ati: “Akabi kaliva ku luuyi olw'omukono omugooda olw'e buvandhuba, kaatuuka ku bantu boonaboona ababa mu kiketezo kino.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

Yeremia 10:22

Wulira oluvuuvuumo luli kwidha. Ghaligho akabuguutano nga kava mu nsi eri ku luuyi olw'omukono omugooda olw'e buvandhuba. Eigye lyayo lija kufuula ebibuga bya Buyudaaya bifulukwa byereere, omuba obw'ebibe.”

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 23:2

Kale ni, Musengwa Katonda, Katonda wa Isiraeli bino by'akoba ebigema ku bakulembeze abalabirira abantu be, ati: “Imwe timwafaayo naire kulabirira bantu bange. Mwababinga era mwabasansaania. Aye bona eno, nze ndidha kufaayo inho okubona nga imwe mbabonereza olw'ebibi bye mwakola.

Yeremia 25:37

era ensi yaibwe eyabangamu emiraala agirese agho etyo ng'eri bifulukwa byereere, olw'obusungu bwe obubitirivu.

Yeremia 6:22

Musengwa Katonda akoba ati: “Bona, ghaligho abantu abaidha okwidha nga bava mu nsi eri ku luuyi olw'omukono omugooda olw'e buvandhuba, eighanga ery'amaani eryo eriva eghala einho liri kwetegekera okulwana olutalo.

Habakkuku 1:6

Bona eno, nja kuleetera Abababilonia babe eighanga ery'amaani einho era ery'obukumu. Baje n'obukambwe mu nsi yoonayoona nga banhaga ebiketezo eby'abantu abandi.