Yeremia 13:19 - Baibuli Ekibono kya Katonda 2014

¹⁹ Ebibuga ebiri mu kiketezo kya Buyudaaya ekikalukalu ekiri ku luuyi olw'omukono omusaadha olw'e buvandhuba, babizingiiza. Ghazira muntu asobola kubita kubituukaku. Abantu b'omu Buyudaaya boonaboona batwaliibwa mu bunhage.”

Yeremia 13:19 ပူးပေါင်းရင်းမြစ်များ

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

Yobu 12:14

Katonda ekintu ky'amenhie ghazira asobola kukizimba buyaaka; Katonda omuntu y'asibiire mu ikomera ghazira asobola kumusibula.

Yeremia 17:26

Abantu baidha kuvanga mu bibuga by'omu Buyudaaya ni mu byalo ebyezungulwire Yerusalemu, baidhenga mu Yerusalemu. Abandi baidha kuvanga mu biketezo bya Benjamini, ni mu biketezo eby'omu biiko, ni mu biketezo eby'oku nsozi, ni mu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Baidha kuleetanga mu isinzizo ebigheebwayo ebyokebwa, n'emisengo, n'ebigheebwayo eby'emere ey'empeke, n'obubbaani, ghalala n'ebigheebwayo olw'okwebaza.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 24:1

Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 28:4

Era nja kwiza kyabazinga wa Buyudaaya Yehoiakini mutabane wa Yehoiakimu, ghalala n'abantu boonaboona ab'omu Buyudaaya abaatwalibwa e Babilonia mu bunhage. Yii, bwenebwene nze nja kumenhamenha obuyinza bwa kyabazinga ow'e Babilonia. Nze Musengwa Katonda, ninze nkobye.”

Yeremia 32:44

Abantu baidha kugulanga ebibandha, batenga ku ndagaano emikono era badhisibengaku obumanhiso nga ghaligho n'abadhulizi. Ebyo biidha kubangagho mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya, ni mu bibuga eby'omu biketezo eby'oku nsozi, ni mu bibuga eby'omu biketezo eby'omu biiko, ni mu bibuga eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Ndiizaagho abantu mu nsi yaibwe, naabaleetera ebintu kabiri okubajiiranga obukalamu. Nze Musengwa Katonda, ninze nkobye.”

Yeremia 33:13

Abaayi baliiramu kabiri okubaliranga ebyayo byaibwe mu bibuga eby'omu biketezo eby'oku nsozi, n'eby'omu biketezo eby'omu biiko, n'eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba, ni mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya. Nze Musengwa Katonda, ninze nkobye.”

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 52:27

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

Yeremia 52:28

Bano n'abantu kyabazinga Nebukadinezzari be yatwala mu bunhage: Mu mwaka gwe ogwomusanvu nga ni kyabazinga, yatwala abantu enkumi isatu n'amakumi abiri na basatu (3,023).

Yeremia 52:30

Mu mwaka gwe ogwamakumi abiri n'esatu (23) yatwala abantu lusanvu n'ana na bataanu (745), abo nga Nebuzaradani omuduumizi w'abakuumi ba kyabazinga w'e Babilonia, n'eyabatwala. Okugaitamu baaba abantu enkumi ina na lukaaga (4,600) abaatwalibwa mu bunhage.

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Zekaria 7:7

Byene ebyo Musengwa Katonda bye yayogera ng'abita mu balanzi abaaligho mu biseera eby'eira. Mu biseera ebyo ekibuga Yerusalemu bye kyabeeranga ng'ebintu bikijiira bukalamu nga kiidhwire abantu. Era ng'abantu bali kamaala mu bibuga ebikyezungulwire, ni mu biketezo ebiri ku luuyi olw'omukono omusaadha olw'e buvandhuba, n'ebyo ebiri mu biiko.

Amateeka Agokubiri 28:15

Musa yaakoba Abaisiraeli ati: “Aye bwe munaalobanga okuwulira Musengwa Katonda waimwe, n'okugema amateeka ge n'ebiragiro bye n'obwegendereza, ebikolimo bino byonabyona biidha kubaidhiranga era bibabeeku:

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.

Yoshua 18:5

Olumaliira baidha kukigabaniamu ebitundu musanvu: Abayuda baidha kusigala nga bakaali mu kiketezo kyaibwe ekiri ku luuyi olw'omukono omusaadha olw'e bugwandhuba, ate ab'enda ya Yosefu boona basigale mu kyaibwe ku luuyi olw'omugooda era olw'e buvandhuba.