Yeremia 13:18 - Baibuli Ekibono kya Katonda 2014

¹⁸ Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 13:18 ပူးပေါင်းရင်းမြစ်များ

2 Bakyabazinga 24:12

Kyabazinga Yehoiakini owa Buyudaaya, ng'ali ghalala n'inhina, n'abagheereza be, n'abakungu be, n'abakulira ekisaagaati kye, yaavaayo, yeeghaayo mu ngalo dha kyabazinga w'e Babilonia. Mu mwaka ogwomunaana ogwo, nga Nebukadinezzari n'afuga Babilonia, Nebukadinezzari oyo yaatwala Yehoiakini nga musibe.

2 Bakyabazinga 24:15

Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

2 Ebyomubyanda 33:12

Agho bweyali ng'ali eyo mu kudaazibwadaazibwa, yeegayirira Musengwa Katonda we era yeewooya ekibitiriire mu maiso ga Katonda wa badhaadha be oyo.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 33:23

Yaaloba kugonderanga Musengwa Katonda nga lata we Manasse bwe yakolanga, aye yeeyongeranga bweyongere kukola bibi.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 39:28

n'ebitambaala eby'oku mutwe, n'enkuufiira, n'empale, nga bino bya ngoye mpegheevu.

Ensambo 27:24

Eby'obukombe tibibaagho lubeerera, era engule y'ofuna teba ya baana na baidhukulu nse na nse.

Isaia 3:20

ni bye beesiba ku mitwe, n'obukomo obuleeta enkabi bwe bavaala ku mikono, n'obunhere bwe beesiba mu nkende,

Isaia 3:26

Endhigi dha Yerusalemu dhiriwowoola amaziga, dhaagegenga. Ate ekibuga Yerusalemu kyene kiriba ng'oti n'omukazi enaku y'ekubye, n'atyama obwagho ku itaka amadu.

Isaia 47:1

Musengwa Katonda akoba ati: “Iwe Babiloni, va ku kityamo eky'obwakyabazinga oike ghansi otyame mu nkungu. Ng'okaali kughangulwa waliku ng'oti n'omughala omwegha. Aye mpegaano tibakaakwegomba, kuba obulungi n'obunhirivu bye wali nabyo tibikaaligho.

Yeremia 22:24

Musengwa Katonda akoba ati: “Nga bwendi omulamu, iwe kyabazinga Konia mutabane wa Yehoiakimu kyabazinga wa Buyudaaya, ni bwe wandibaire ng'oli mpeta eba ku lwala lwange ku mukono omusaadha, eriku akamanhiso ak'obwakyabazinga, era nandikutoireku.

Yeremia 22:26

Ndidha kukutoola mu nsi eno ng'oli ghalala n'inhoko akuzaala, nje mbasuule mu nsi ye mutaazaalibwamu, era mwembi eyo ye mulifiira.

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 36:16

Bwe baamala okubiwulira byonabyona, baalingaganaku nga batiire, era baamukoba bati: “Ebyo tuli n'okubikobera kyabazinga.”

Okulira 1:6

Sioni tikikaali kya kitiisa naire. Abakungu baamu bali ng'oti n'empongo edhiri endhala olw'okubulwa eisubi ery'okulya. Era mu bunafu obwo baalumuka abazigu baibwe ababayiiga.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Okulira 2:10

Abasaadha abakaire ab'omu kibuga Sioni batyama agho ku itaka baasiriikirira. Beeyugha enkungu mu mitwe nga beesibye ebikaakaati olw'enaku. N'abaghala baamu boona baakuba amakiryaivu agho ku itaka.

Okulira 5:16

Ghazira akaatutaamu kitiisa. Tukagwireku, kuba twayonoona.

Ezekieli 16:12

Naakutaaku n'empeta ey'oku nhindo, n'eby'oku matu, naakuvaaza n'engule eboneka obulungi ku mutwe.

Ezekieli 21:26

Nze Musengwa Katonda ndi kukoba nti: Toolaku engule yo ku mutwe era osibuleku n'ekitambaala kyo ku mutwe, kuba ebintu tibirisigala nga bwe biri naire. Niinia abanafu babe bafuzi, ate ab'obukumu obaniinuse babe ghansi.

Ezekieli 24:17

Sindira mule kisiriikiriza, otalira oyo afiire. Otaleka kusiba kitambaala kyo ku mutwe, waire okuleka okuvaala engaito mu bigere olw'enaku. Era oteeghemba ku maiso, waire okulya emere abalizi ye balya ku lumbe.”

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

Ezekieli 44:18

Baidha kwesibanga ku mitwe ebitambaala by'olugoye olughegheevu, bavaalenga n'empale nga dhoona dha lugoye lughegheevu. Tibaidha kuvaalanga kintu kyonakyona kibaleetera kugezimula.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Yona 3:6

Kyabazinga w'e Nineve bwe yabiwulira, yaaleka ghale ekityamo kye n'ebivaalo bye eby'obwakyabazinga, yaavaala ekutiya era yaatyama mu ivu okwoleka okwenenia kwe.

Matayo 18:4

Kale buli eyeisa n'afaanana ng'omwana omuto, oyo n'asinga obubbede mu Bwakyabazinga obw'omu igulu.

Yakobo 4:10

Mwewooye mu maiso ga Musengwa, alibafuula okuba ng'aba ghaigulu.

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.