Yeremia 13:17 - Baibuli Ekibono kya Katonda 2014

¹⁷ Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 13:17 ပူးပေါင်းရင်းမြစ်များ

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 15:17

Tibangaku na bantu ku binhumo mu kusagamba. Aye nabanga agho zenka nga njiira ku biragiro byo, nga ndidhwire obusungu.

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Yeremia 22:5

Aye bwe mutaagonderenga bye ndagira, nze neerayirira mwene nti ekisaagaati kino eky'obwakyabazinga kija kufuuka bifulukwa byereere. Nze Musengwa Katonda, ninze nkobye.”

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Yeremia 23:2

Kale ni, Musengwa Katonda, Katonda wa Isiraeli bino by'akoba ebigema ku bakulembeze abalabirira abantu be, ati: “Imwe timwafaayo naire kulabirira bantu bange. Mwababinga era mwabasansaania. Aye bona eno, nze ndidha kufaayo inho okubona nga imwe mbabonereza olw'ebibi bye mwakola.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Okulira 1:16

Bino bindiza, amaziga gaafukumuka okunva mu maiso; kuba ghazira asobola kunsaasiraku, ghazira asobola kundhizaamu maani. Abazigu bange bampangula era abantu bange baasigala nga bawuubaire.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Okulira 2:18

Imwe abantu ab'omu Sioni, muwowoole Musengwa abawulire! Muwowoole amaziga gakuuluule ng'oti mwiga omusana n'obwire! Mutaganha kuwoleeraku naire waire okumalaku akaseera ng'amaiso gaimwe gabakaze amaziga.

Okulira 3:48

Nja naalira amaziga ganfukumuka mu maiso ng'oti miiga, olw'okuzikirizibwa okw'abantu bange.

Ezekieli 24:16

“Iwe omuntu, bona, onaaja okutemya n'okuzibula nga nkutoire ku maiso oyo asinga okukusanhusa. Aye otalira, oba okuwowoola, oba okutoonhia eiziga waire eirala liti.

Ezekieli 34:31

“Imwe muli ntaama dhange, entaama dhe ndhaya, ate nze naaba Katonda waimwe.” Musengwa Katonda atyo bw'akoba.

Ezekieli 36:38

Ebibuga ebyayonoonebwa biriidhula abantu, ng'oti ni Yerusalemu bwe kyaidhulanga entaama edh'okughaayo ng'emisengo ku mbaga edh'ebibinuko ebyalagirwa. Olwo balimanha nga ninze Musengwa Katonda.”

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.

1 Samueli 15:35

Era Samueli tiyairayo kubona ku Saulo okutuusa bwe yafa. Aye yasigala ng'ali mu nnaku olwa Saulo oyo. Era Musengwa Katonda yeidhusa olw'okufuula Saulo okuba kyabazinga wa Isiraeli.