Yeremia 13:16 - Baibuli Ekibono kya Katonda 2014

¹⁶ Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 13:16 ပူးပေါင်းရင်းမြစ်များ

Yobu 3:5

Enzikiiza etiisa einho erutwale. Ekire kiruwembeku endhuba erobe kulwakaku, lwidhule okutya.

Zabbuli 107:10

Abandi baali nga baba mu nzikiiza etiisa einho, nga basibe ku ndhegere era nga badaazibwadaazibwa;

Zabbuli 107:14

Yaabatoola mu nzikiiza etiisa einho, yaakutulakutula endhegere edhaali dhibasibye.

Zabbuli 29:2

Mwatule muti eriina lya Musengwa Katonda liri n'ekitiisa, musinze Musengwa Katonda ng'aboneike mu butukuvu bwe.

Zabbuli 44:19

Aye otutenteine era waatuleka mu nsolo edh'omu nsiko, mu nzikiiza eri bedimudimu.

Okuvaayo 10:21

Agho Musengwa Katonda yaakoba Musa ati: “Ghanika omukono ng'ogwolekeza ku igulu, ghaidhegho enzikiiza egeme ku nsi Misiri enzikiiza ere yeene eri bedimudimu.”

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Omulangirizi 11:8

Omuntu bw'aghangaala emyaka emingi, agwaine agisanhukirengamu gyonagyona. Aye ate aidhukirenga ng'enaku edh'okuba mu kizikiiza ng'afiire dhija kuba kamaala. Ebyo byonabyona ebiriidha biziramu muganhulo.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 59:10

Tuja nga tughaamanta ku bimante ng'oti n'abatulu abatabona. Era twaja nga twekontola ni mu kasana ghagati nga buli ng'oti bwire, twaba ng'oti n'abali mu nsi y'abafu.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 60:2

Bona eno, enzikiiza erigema ku nsi, enzikiiza eri bedimudimu yaasandikira amaghanga. Aye Musengwa Katonda alivaayo ng'oti ndhuba yaakwakiraku, n'ekitiisa kye kya bonekera ku iwe.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 23:12

Kale ni baidha kubanga ng'oti n'abatambulira mu nzikiiza mu ngira etyerera, batyererenga omwo bagwe. Nja kubatuusaaku akabi, kuba ekiseera kyaibwe eky'okubonerezebwamu kiri kwidha. Nze Musengwa Katonda, ninze nkobye.

Yeremia 4:23

Nalingirira ensi, naabona nga ndhereere era nga ntabuletabule; ate naalinga ku igulu nga kuzira kyaka naire.

Yeremia 50:6

“Abantu bange bali ng'oti n'entaama abaayi dhe balese ni dhibulira eyo mu nsozi. Batambulatambula eyo batyo nga bava ku lusozi luno baaja ku lule, baatuuka n'okwerabira amaka gaibwe.

Yeremia 6:21

Kale ni ndidha kubateera ebitimuguunha mu ngira, beekontole okwo bagwe. Abazaire ghalala n'abaana baibwe, bakagwa baibwe ni baliraanwa baibwe, baja kuzikirira.”

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Okulira 4:17

Twalingirira, amaiso gaatuuka okutunafugha, aye ng'ezira buyambi. Ghaligho eighanga lye twalingirirangaku nga tudhuuba tuti lighanga okutubeera, aye tiryatubeera.

Ezekieli 21:15

Empiima eyo ereetera emyoyo gy'abantu okutekemuka, beekontola baagwa n'okugwa. Ngitaire mu kibuga nga bagizigwire, eri kumyansa ng'oti lukuba, ng'eteegereire okutirimbula.

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 36:15

Tiriganha maghanga gandi kukuvumanga, waire okuleka abantu okukuswazanga, oba iwe ensi Isiraeli yeene okwirayo okufiirizanga eighanga lyo. Nze Musengwa Katonda ninze nkobye.”

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.