Yeremia 13:10 - Baibuli Ekibono kya Katonda 2014

¹⁰ Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 13:10 ပူးပေါင်းရင်းမြစ်များ

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 11:18

Agho Musengwa Katonda yankobera naamanha enkwe edh'okundhita, abazigu bange dhe baali bali kutegeka.

Yeremia 13:7

Agho nairayo ku mwiga Eufurate, naanoonia ekivaalo ekyo mu kifo mwe nakikweka. Aye naja okukyagaana nga kyonooneike era nga tikikaali na mugaso naire.

Yeremia 16:12

Aye imwe mukoze bubi n'okusinga badhaadha baimwe abo. Buli muntu ku imwe akola ebyo omwoyo gwe omukalangufu era omubi bye gwenda, yaaloba okumpulira.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Yeremia 44:5

Aye nga imwe timuwulira waire okufaayo. Mukyuke muve mu kibi kyaimwe eky'okuniokezanga bakatonda abandi obubbaani.

Yeremia 5:23

Aye abantu imwe muli n'emyoyo emikalangafu era emidheemu. Mwakyuka, mwanvaaku mwaja ye mwenda.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Yeremia 8:5

Memale lwaki imwe abantu bange mwadaaliima ni munvaaku obutenda kwira naire? Mwekalangula ku by'obuguya mwaloba okwira ye ndi.

Yeremia 9:13

Musengwa Katonda yairamu ati: “Ekyo kiri kityo, lwa kuba abantu baava ku mateeka gange ge nabateeragho. Baaloba okungondera waire okukola bye nabakoba.

Yeremia 9:14

Aye baakola bw'ebyo emyoyo gyaibwe emikalangufu bye gyenda, nga bajiira ku musambwa Baali nga badhaadha baibwe bwebaabeegeresa.

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!