Yeremia 12:5 - Baibuli Ekibono kya Katonda 2014

⁵ Musengwa Katonda yaakoba ati: “Yeremia, oba nga okulumuka n'ab'ebigere kukukooyiiza, onaasobola otya okulumuka n'abali ku mbalaasi? Oba nga tosobola kwemerera ghantu ghatereevu nga togwire, olikola otya bw'oliba mu kibira ky'oku mwiga Yorudani?

Yeremia 12:5 ပူးပေါင်းရင်းမြစ်များ

1 Ebyomubyanda 12:15

Abo n'abaasomoka omwiga Yorudani mu mwezi ogusooka mu mwaka, ekiseera omwiga ogwo kye gwidhuliramu ni gubanda, amaadhi gaagwo ni gataalaalira ku mbali kwagwo kwonakwona. Bwe baasomoka, baabinga abatyamye boonaboona ab'omu biiko, baabasansaaniza e buvandhuba n'ebugwandhuba w'omwiga.

Zabbuli 42:7

Iwe oleetera amaadhi okwefuukuula, gaatyabuka oti lukuba, era geekuluumulula, nga genda kuumira.

Ensambo 24:10

Bw'owaamu amaani mu kiseera ekizibu, oba oli munafu.

Ensambo 3:11

Mwana wange, otanhoomanga Musengwa Katonda by'akugalagira, oba okwesinwa by'akuneniamu.

Yeremia 11:21

Bino Musengwa Katonda by'akoba abantu ab'omu Anathothi, abenda okundhita nga bakoba bati: “Bw'onaalangirira mu liina lya Musengwa Katonda, twidha kukwita.”

Yeremia 26:8

Era olwamala nti okubyogera, bangwaku bangema nga bwe baasiikana bati: “Ogwaine kwitibwa olw'ebyo by'okobye.

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Yeremia 50:44

“Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena, nze Musengwa Katonda, ntyo bwendiidha okuzindula Abababilonia, balumuke bave mu kibuga kyaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

1 Petero 4:12

Aboluganda, okudaazibwadaazibwa okuzibu kwe mulimu kulobe kubeewuunhisa inho ng'oti tikubangaghooku, kuba kuligho lwa kubaleba bulebe.