Yeremia 12:17 - Baibuli Ekibono kya Katonda 2014

¹⁷ Aye eighanga lyonalyona eritalingondera nja kulitoola mu nsi yaalyo, ng'oti n'omuntu bw'aiwululagho ekisimbe n'emizi gyakyo. Era nja kulizikiriza. Nze Musengwa Katonda, ninze nkobye.”

Yeremia 12:17 ပူးပေါင်းရင်းမြစ်များ

Isaia 41:11

Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Yeremia 18:7

Bwe nkoba nti nja kwiwululagho, mmenhegho era nzikirize eighanga oba obwakyabazinga,

Yeremia 31:28

Era nga bwe nakola einho okubabonereza, n'okubaiwululagho, n'okubamenhamenha, n'okubaleetera okughangulwa, n'okubazikiriza, era ntyo bwe ndifaayo einho okubasimba n'okubazimba.

Ezekieli 19:12

Aye abantu baagwiwululagho n'emizi mu busungu, baagusuula ghansi. Empewo eva e buvandhuba yaidha yaagukaza. Ebibala byagwo baabikunkumusa ghansi, n'ensaga dhaagwo baadhikookola dhaakala, era baadhookya omuliro.

Danieli 11:4

Aye oyo bw'alimala okwenhweza mu buyinza, obwakyabazinga bwe balibumenhagho era baabwawulamu mu ndhuyi eina edhiri ghansi gh'eigulu. Tibalibugha ba izaire lye, waire okubufuga n'obuyinza nga bwe yali nabwo; kuba obwakyabazinga bwe balibusalasalamu bwatwalibwa abantu abandi abatali ba izaire lye.

Mika 5:14

Ndiiwululagho ebifaananie eby'omusambwa omukazi ogwetebwa Ashera era naazikiriza n'ebibuga byaimwe.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.