Yeremia 12:14 - Baibuli Ekibono kya Katonda 2014

¹⁴ Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 12:14 ပူးပေါင်းရင်းမြစ်များ

Zabbuli 105:15

ng'abakoba ati: “Ghatabaagho agema ku bantu bange be nasiiga omuzigo; abalanzi bange mutabakola kibi kyonakyona.”

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 3:18

Mu nnaku edho abantu b'omu Buyudaaya balyeyimba ku b'omu Isiraeli, baajiira ghalala okuva mu bunhage mu nsi eri ku luuyi olw'omukono omugooda olw'e buvandhuba, baingira mu nsi ye nagha badhaadha baimwe nga yaibwe ku bwaibwe.”

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Yeremia 49:1

Bino Musengwa Katonda bye yakoba ku nsi Ammoni, ati: “Abantu ab'omu Isiraeli bali gha? Ezira muntu asobola kulwanirira nsi yaibwe? Lwaki baaleka abantu abasinza omusambwa Milikomu okutoola ekiketezo eky'ab'ekika kya Gadi ni bakifuula ekyaibwe?

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Ezekieli 28:25

Musengwa Katonda era yaakoba ati: “Bwe ndimala okusoloza Abaisiraeli ni mbatoola mu maghanga mwe baasansaanira, olwo ab'amaghanga goonagoona balibona bwendi omutukuvu. Era Abaisiraeli abo baliba mu nsi yaibwe, ye nagha omugheereza wange Yakobo.

Ezekieli 28:26

Baligibaamu mu miraala, baazimba amayumba, baasimba n'amasamba ag'emizabbibu. Baliba mu miraala bwe ndisala omusango ni mbonereza baliraanwa baibwe boonaboona abaabanhoomanga. Olwo balimanha nga ninze Musengwa Katonda.”

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Ezekieli 36:5

“Nze Musengwa Katonda kyenva ni nkoba nti ndi kwogeza busungu bwereere eri amaghanga goonagoona, n'okusingira irala Edomu, olw'enkikidi ye ndi nayo ku lw'abantu bange. Amaghanga ago gaanhaga ensi yange gaagifuula eyaago ku bwago, era gaaginhagulula mu masanhu amangi n'obunhoomi obubitirivu.

Ezekieli 37:21

olwo oidha kubakoba oti nze Musengwa Katonda ndi kukoba nti: Bona, nditoola Abaisiraeli mu maghanga ye baaja, naabasoloza okuva ku ndhuyi dhoonadhoona, naabaiza mu nsi eyaibwe.

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Zekaria 1:15

Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 2:8

Buli agema ku imwe aba asiinhie ku mboni ya liiso lyange.” Musengwa Katonda Afuga Amagye ow'ekitiisa, yantuma nje y'amaghanga agaanhagulula abantu be, ngakobe nti:

Amateeka Agokubiri 28:63

Nga Musengwa Katonda bwe yasanhuka okubakolera ebirungi n'okubafuula abangi, atyo bw'aidha n'okubasaaniagho abamalegho mu nsi ye muli kuja okutwala.

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.