Yeremia 12:13 - Baibuli Ekibono kya Katonda 2014

¹³ Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 12:13 ပူးပေါင်းရင်းမြစ်များ

Zabbuli 78:62

Yasungughalira abantu abo ababe ku bubwe, yaaleka abazigu baibwe baabaita.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 4:26

Naalingirira nti, naabona ng'ensi eyali engimu efuuse irungu; nga n'ebibuga byamu babizikiriiza byafuuka bifulukwa byereere. Kuba Musengwa Katonda yabasungughalira ekibitiriire.

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Mika 6:15

Mwidha kusiganga, aye nga timukungula, mukamule omuzigo mu bibala eby'emiti emyoliva, aye nga timughanga kugukozesa. Era mukunhe omwenge ogw'emizabbibu, aye gubaleme okunhwaku.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Haggai 1:9

“Mwasuubira okukungula ebirime kamaala, aye wo, mwafunayo bitono. Era n'ebitono ebyo bwe mwabituusa eka, naabyonoona. Lwaki nabyonoona? Lwa kuba eisinzizo lyange liri bifulukwa byereere, aye nga imwe buli muntu yeefubiriire ku kulabirira ndhu ye.

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.