Yeremia 12:12 - Baibuli Ekibono kya Katonda 2014

¹² Abanhazi babisebise mu nsozi dhoonadhoona edh'omu irungu edhiziraku kantu. Nze Musengwa Katonda nsindiike olutalo okuzikiriza ensi eyo yoonayoona. Era ghazira muntu ali mu miraala.

Yeremia 12:12 ပူးပေါင်းရင်းမြစ်များ

Isaia 34:6

Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Isaia 57:21

Aboonooni tibaba na miraala naire.” Musengwa Katonda atyo bw'akoba.

Yeremia 15:2

Bwe bakubuuza ye babe baje, bakobe oti nze Musengwa Katonda nkobye nti, ‘Ab'okufa endwaire ya kawumpuli, baje eri endwaire ya kawumpuli. Ab'okufiira mu lutalo, baje eri olutalo. Ab'okufa endhala, baje eri endhala. Ab'okutwalibwa mu busibe, baje mu busibe.’

Yeremia 16:5

“Otangiranga mu ndhu omuli abali kulira abafu. Otajangayo kubalirisaaku waire okubagumya. Abantu abo, nze Musengwa Katonda, nabatoolaku emiraala gyange, naalekera agho okubagonzanga n'okubasaasiranga.

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Yeremia 3:21

Amamiro gawulikika ghaigulu eyo ku nsozi edhiziraku kantu. Ago n'amamiro ag'Abaisiraeli abali kulira amaziga nga beenenia, olw'okudaaliima ni bava mu ngira entuufu, ni beerabira Musengwa Katonda waibwe.

Yeremia 30:5

“Nawulira amamiro g'omuntu ali kudhugumira, omuntu atiire einho era azira miraala naire.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Yeremia 47:6

Mulirira amaziga muti, ‘Wo empiima ya Musengwa Katonda iwe! Olirekera li okuja ng'osaagha? Irayo mu kiruutu kyo osigale omwo owuumule!’

Yeremia 48:2

Ekitiibwa kya Moabu kiwoiregho. Abazigu bagemye ekibuga Heshiboni ye baategekera okuzikiririza eighanga ly'e Moabu eryo. Imwe abantu b'omu kibuga Madimeni, abazigu baidha kubasirisa, amagye gaibwe gaidha kwidha galumbe ekibuga kyaimwe ekyo.

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Okulira 3:17

Omwoyo gwange taguganha kufuna miraala, era nze neerabira ira ekyetebwa isanhu.

Ezekieli 14:17

“Oba bwe ndeetera olutalo okwidha mu nsi, ni ndulagira okwita abantu n'ensolo okumaliriragho,

Ezekieli 21:28

“Iwe omuntu, langa okobere abantu bino, nze Musengwa Katonda, bye ndi kukoba Abammoni, abavuma Abaisiraeli. Bakobere oti: ‘Bona empiima, empiima yiiyo bagisowoireyo okutirimbula era baagizigula emyanse ng'oti lukuba.

Ezekieli 21:4

Olw'okukumalamu iwe abantu abakulimu, abatuufu n'ababi, ndisowola empiima yange mu kiruutu kyayo naalwanisa abantu boonaboona, okuva ku luuyi olw'omukono omusaadha olw'e buvandhuba okutuuka ku luuyi olw'omugooda olw'e buvandhuba.

Ezekieli 21:8

Kabiri Musengwa Katonda yankoba ati:

Ezekieli 21:9

“Iwe omuntu, langa okobere abantu, oti nze Musengwa Katonda ndi kukoba nti: Empiima, empiima bagighagaire era baagizigula.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amosi 9:4

Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Zefania 2:12

N'imwe Abaethiopia mwena, Musengwa Katonda aja kubasindikaku abazigu babaite.

Amateeka Agokubiri 32:42

Obusaale bwange buliidhula omusaayi, n'empiima yange yaafumita emamba n'omusaayi ogw'abaitiibwa n'abanhagiibwa, okuva mu bazigu ab'emitwe egiriku enviiri endeeyi.’

Okwolekebwa 6:4

Yaavaayo embalaasi eyindi, nga myufu. Eyali ali kugivuga, ng'agheereibwa okuleeta entalo ku nsi, abantu baitagane. Era baamugha empiima endeeyiriri.