Yeremia 12:1 - Baibuli Ekibono kya Katonda 2014

¹ Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 12:1 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Yobu 12:6

Amaka ag'abanhazi gaba bukalamu, n'abo abasungughaza Katonda bazira kibatiisa; amaani gaibwe n'agafuuka katonda waibwe ye beesiga.”

Yobu 13:3

Aye nze nhenda ndhogere ni Katonda Aghanga Ebintu Byonabyona, oyo ye nhenda okwoleka nti nziraku musango.

Yobu 24:12

Abantu abali kufa basinda mu kibuga, n'abafumitiibwa baalira, aye Katonda yaaloba kufaayo ku bisobyo bikolebwa.”

Yobu 24:23

Aja yaabagha emiraala baatoolera okwesigula, aye yaasigala ng'abasimbyeku amaiso.

Yobu 8:17

Emizi gyabyo gikunkuna mu mmungo y'amabaale, era gyerangira ku buli ibaale.

Zabbuli 116:5

Musengwa Katonda wa kivunika era mulungi. Katonda waife asaasira!

Zabbuli 119:137

Wo Musengwa Katonda, iwe watuukirira mu buli ngeri, n'ensala yo ntuufu.

Zabbuli 119:75

Wo Musengwa Katonda, ndidhi ng'ensala yo ntuufu eziramu kwekubira, era ndidhi nga wankangaivula kuba oli mwesigwa mu by'osuubiza.

Zabbuli 145:17

Musengwa Katonda akola byonabyona mu butuufu era wa kivunika mu by'akola.

Zabbuli 37:1

Tofangayo ku babi, oba okwesiimisanga abakola ebibi,

Zabbuli 37:35

Ghaligho omuntu omubi ye nabona ng'atiisa abantu boonaboona baadhugumira, era ng'abaswikiriire boonaboona ng'oti n'emivule egy'omu Lebanoni emireeyiriri.

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Omulangirizi 8:14

Ghaligho ekintu ekiziramu muganhulo ekibaagho ku nsi: abantu abatuufu okufuna ekibonerezo ekyandibaire eky'aboonooni, ate aboonooni ni bafuna empeera eyandibaire ey'abatuufu. Ekyo kyona kiziramu muganhulo.

Isaia 41:21

Musengwa Katonda kyabazinga wa Isiraeli akoba ati: “Imwe bakatonda ab'amaghanga mwandhule ensonga dhaimwe, mutooleyo n'obudhulizi obukakasa.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Yeremia 11:20

Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Yeremia 3:20

Aye imwe bwenebwene mwakyuka mwaloba kuba beesigwa ye ndi, ng'oti n'omukazi ava ku iba n'aloba okuba omwesigwa y'ali. Nze Musengwa Katonda, ninze nkobye.’

Yeremia 3:7

Naalowooza nti bwe balimala okukola ebyo byonabyona, baliira ye ndi. Aye tibaamala ni baira. Ni baganda baibwe ab'omu kiketezo ky'e Buyudaaya, boona abataali beesigwa, baabibona ebyo byonabyona.

Yeremia 32:16

Bwenamala okugha Baruku endagaano ey'okugula ekibandha, naasaba nti:

Yeremia 5:11

Abantu ab'omu Isiraeli n'ab'omu Buyudaaya, tibabaire beesigwa ye ndi naire. Nze Musengwa Katonda, ninze nkobye.”

Yeremia 9:2

Nguli ndi n'ekifo mu irungu mwe nsobola okuba, nandiviire mu bantu bange naaja naaba eyo; kuba boonaboona ti beesigwa naire, baafuuka kikuukuulu kya bantu ba nkwe.

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Ezekieli 18:25

“Aye imwe mukoba muti, ‘Musengwa Katonda mu nkola ye tasala nsonga mu butuufu.’ Aye muwulire imwe ab'eighanga Isiraeli: Obwo bwenebwene nze mu nkola yange tisala nsonga mu butuufu? Nti katyo niimwe mutasala nsonga mu butuufu mu nkola dhaimwe!

Danieli 9:14

Kale ni kyewava n'otegeka okutusindikira akabi ako, era n'omala n'okatutuusaaku kuba iwe Musengwa Katonda waife buliidho okola bituufu, aye ife titugondera by'okoba.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Habakkuku 1:4

Amateeka tigakaakola era abantu tibakaajiira ku butuufu bwa nsonga. Abakozi ab'ebibi basinga abatuufu emisango lwa kusaliriza kwa balamuzi. Mu nsambo eyo bavuluga obutuufu obw'ensonga.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.