Yeremia 11:8 - Baibuli Ekibono kya Katonda 20148 Aye baaloba kumpulirisa waire okugondera bye ndagira, era buli muntu yeeyongera bwa kukola ebyo omwoyo gwe omukalangufu era omubi bye gwenda. Naabalagira bakuumenga endagaano eyo, aye baaloba. Kye nava ni mbasindikira ebibonerezo byonabyona ebiri mu ndagaano eyo.” အခန်းကိုကြည့်ပါ။ |
Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.
Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.
Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.