Yeremia 11:22 - Baibuli Ekibono kya Katonda 2014

²² Musengwa Katonda oyo Afuga Amagye akoba ati: “Abantu abo ndidha kubabonereza. Abaisuka baibwe baidha kufiira mu lutalo, n'abaana baibwe baidha kulambuka ndhala.

Yeremia 11:22 ပူးပေါင်းရင်းမြစ်များ

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Yeremia 18:21

Wo Musengwa Katonda, kale ni leka abaana baibwe balambuke endhala bafe, obaleke bafiire mu ntalo. Abakazi baibwe ka babuleku abaana era babe banamwandu. Abasaadha ka bafe endwaire ya kawumpuli, abaisuka baitibwe mu ntalo.

Yeremia 21:14

Aye nja kubabonereza nga njiira ku bikolwa byaimwe. Ndikunaania omuliro ku kisaagaati kyaimwe eky'obwakyabazinga, gwayokya ebikyezungulwire agho byonabyona. Nze Musengwa Katonda, ninze nkobye.”

Yeremia 44:13

Ndibonereza abantu abo ababa mu nsi Misiri, ng'oti bwe nabonereza ab'omu Yerusalemu, nga nkozesa olutalo, n'endhala, n'endwaire ya kawumpuli.

Yeremia 49:26

Ku lunaku olwo abazigu baliitira abaisuka b'omu kibuga ekyo mu nguudo dhaakyo, n'abaisirukale baakyo boonaboona baabazikiriza.

Yeremia 9:21

kuba okufa kutwidhiire, kwabitira mu madinisa gaife, kwaingira mu ndhu dhaife, kwaita abaana mu nguudo n'abaisuka mu mpya edh'ebibuga.

Okulira 2:21

Abakaire n'abato baagaanibwa nga bafu, nga bagwire agho ghansi ku nguudo edh'ekibuga, abaisuka n'abaguna baitibwa n'empiima. Iwe mwene wabasala ku lunaku lwe wasungughaliraku waabaita ng'oziramu na kusaasira.

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.