Yeremia 11:21 - Baibuli Ekibono kya Katonda 2014

²¹ Bino Musengwa Katonda by'akoba abantu ab'omu Anathothi, abenda okundhita nga bakoba bati: “Bw'onaalangirira mu liina lya Musengwa Katonda, twidha kukwita.”

Yeremia 11:21 ပူးပေါင်းရင်းမြစ်များ

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Yeremia 1:1

Bino n'ebibono Yeremia bye yayogera. Yeremia oyo yali mutabane wa Hilikia, eyali owundi ku bakabona ab'e Anathothi mu kiketezo kya Benjamini.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 26:8

Era olwamala nti okubyogera, bangwaku bangema nga bwe baasiikana bati: “Ogwaine kwitibwa olw'ebyo by'okobye.

Yeremia 32:7

“Bona eno, muganda wo Hanameli azaalibwa lata wo omuto Shallumu, aidha kwidha y'oli akusabe omuguleku ekibandha kye ekiri mu Anathothi mu kiketezo kya Benjamini kuba niiwe amuliku oluganda einho era niiwe ali n'obukumu okukigula kibe ekikyo.”

Yeremia 34:20

Ndibaghaayo mu ngalo dh'abazigu baibwe abenda okubaita, era emirambo gyaibwe giriba mere ya nhonhi, na ya nsolo dha mu nsiko.

Amosi 2:12

Aye mwaleetera Abanaziri okunhwa omwenge era mwalobera abalanzi akukobera abantu obukwenda bwange.

Mika 7:6

Kuba abalenzi banhooma balata baibwe, abaghala baasitukira mu bainhaibwe, bakaabaana baasoola ni bainhazaala baibwe, abazigu ab'omuntu baava mu bantu be beene b'aba nabo mu ndhu endala.

Matayo 10:21

“Omuntu alighaayo muganda we okwitibwa ate omuzaire yaaghaayo omwana we, n'abaana balidheemera abazaire era baabaita.

Matayo 21:35

Aye abakozi baagema abagheereza be abo, omulala baamukuba, owundi baamwita, ate owundi baamukanhuugirira amabaale.

Matayo 22:6

Abaasigalagho baagema abagheereza baababisa bubi era baabaita.

Luka 4:24

Yaakoba ati: “Bwenebwene ka mbakobere ezira mulanzi aikirizibwa ku kyalo kya waibwe.