Yeremia 11:20 - Baibuli Ekibono kya Katonda 2014

²⁰ Agho nze naasaba nti: “Wo Musengwa Katonda Afuga Amagye, niiwe omulamuzi asala mu mazima, waaleba emyoyo n'ebirowoozo by'abantu. Kale ka nteege mbone nga bw'onaaneesasuulizaagho ku bantu abo; kuba ensonga dhange ndhandhwire mu maiso go.”

Yeremia 11:20 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

2 Bakyabazinga 19:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Yobu 5:8

“Ngoli mbaire nga ninze, nandyebuuziiza ku Katonda, era Katonda oyo ye nandyandhuliire ensonga dhange.

Zabbuli 139:23

Wo Katonda wange, neekalirisa otegeere omwoyo gwange, era ondebe omanhe ebidhuubo byange.

Zabbuli 35:2

Gema engabo enene n'entono, ositukiremu oidhe ombeere.

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 58:10

Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 7:10

Katonda n'engabo mwe neewogoma, alokola abo abagondera ebiragiro bye.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Yeremia 15:15

Agho naakoba Musengwa Katonda nti: “Wo Musengwa Katonda, iwe ondidhi! Nkusaba ondidhukire oidhe onhambe, oneesasuulizeegho ku abo abankiriga. Otabaguminkiriza kubagha kaghagaanhia ka kundhita. Oteerabira nga buliidho banvuma ku lulwo.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 20:12

Wo Musengwa Katonda Afuga Amagye, iwe oleba abantu mu mazima waabona bye balowooza mu myoyo gyaibwe. Kale leka nteege mbone nga bw'onaaneesasulizaagho ku bantu abo; kuba ensonga dhange ndhandhwire mu maiso go.

Okulira 3:58

Wampolezaagho nga ndi ku musango, wamponia okwitibwa.

Okulira 3:59

Wo Musengwa Katonda, iwe bona ebibi bye bankola, nkusaba obasalire omusango gubasinge.

Okulira 3:64

Wo Musengwa Katonda, baneesasuulizeeku olw'ebyo bye bankola.

Ezekieli 11:5

Agho omwoyo gwa Musengwa Katonda gwandhikaku, Musengwa Katonda yankoba ati: “Yogera oti Musengwa Katonda akoba ati imwe abantu Abaisiraeli, nze ndidhi bukalamu bye mulowooza.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”

1 Samueli 24:15

Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”