Yeremia 11:19 - Baibuli Ekibono kya Katonda 2014

¹⁹ Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Yeremia 11:19 ပူးပေါင်းရင်းမြစ်များ

Yobu 28:13

Tigaagaanibwa mu nsi ya balamu, ghazira aidhi mughendo gugalimu.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 112:6

Omuntu atya Katonda ghazira kisobola kumutengeesa; aidha kwidhukirwanga ebyanda n'ebyanda.

Zabbuli 116:9

Era buti ntambula mu maiso ge nga ndi ku nsi ey'abalamu.

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 27:13

Aye nze nkakasa bukalamu nti ndibona nga Musengwa Katonda bw'ali omulungi: nga nkaali ku nsi mu bulamu buno.

Zabbuli 31:13

Bwenebwene mpulira abantu kamaala nga boogera obwama; buli ghe nninga mpulira kutya kwereere nga baneegeyaamu, era nga beekobaana okundhita.

Zabbuli 35:15

Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Zabbuli 83:4

Bakoba bati: “Ka tumalegho eighanga lya Isiraeli, ghabule aidhukira nga ghaalighooku eighanga eryetebwa Isiraeli.”

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Ensambo 24:15

Otabanga ng'ababi abeeteega amaka ag'abatuufu, era ni bagalumba okugakolaku eby'obukambwe.

Ensambo 7:22

Amangu ago omwisuka yaatoolera okunonereza omukazi, ng'oti n'ente ye bali kutwala okwita, oba ensolo eri kuja okwingira mu lutuula,

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Isaia 38:11

Nali nkoba nti olwo tikairayo kubona Musengwa Katonda, mu nsi ey'abalamu, waire okwirayo okubona abantu abagibaamu.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 26:8

Era olwamala nti okubyogera, bangwaku bangema nga bwe baasiikana bati: “Ogwaine kwitibwa olw'ebyo by'okobye.

Okulira 3:60

Obona nga bwe beeguguna okuneesasuulizaaku, era waabona entegeka dhaibwe dhoonadhoona edh'okunkola obubi.

Ezekieli 32:24

“Ensi Elamu eri eyo, n'abaisirukale baayo boonaboona bali eyo mu magombe gaibwe okugyezunguluza. Boonaboona baitirwa mu lutalo, baika ghansi mu nsi ey'abafu nga ti bakekete. Buti bali eyo mu kuswala kwaibwe ghalala n'abo abaika eyo ghansi mu lwina. Ate nga bwe baali bakaali balamu baaleeteranga abantu okutya einho mu nsi.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.

Okubala 1:14

Ow'omu kika eky'Abagadi ni Eliasafu mutabane wa Deueli.