Yeremia 11:14 - Baibuli Ekibono kya Katonda 2014

¹⁴ Musengwa Katonda yaakoba ati: “Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba bwe baliba mu buzibu ni bansaba mbayambe tiribawulirisa naire.

Yeremia 11:14 ပူးပေါင်းရင်းမြစ်များ

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Okuvaayo 32:10

Kale, iwe ndeka obusungu bwange bubaakireku ng'oti muliro mbamalegho. Aye iwe tiidha kukuzikiriza ndidha kukufuulamu eighanga ery'amaani.”

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 14:11

Agho Musengwa Katonda yankoba ati: “Yeremia, otadaaga kusabira bantu bano nze kubayamba.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 7:16

Musengwa Katonda yaakoba ati: “Iwe Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba tiidha kukuwulirisa.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.