Yeremia 11:11 - Baibuli Ekibono kya Katonda 2014

¹¹ Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 11:11 ပူးပေါင်းရင်းမြစ်များ

2 Bakyabazinga 22:16

Musengwa Katonda akoba ati, akabi akoogerwaku mu kitabo kino kyabazinga wa Buyudaaya ky'asomye, nja kukatuusa ku kifo kino ni ku bantu baamu.

2 Ebyomubyanda 34:24

Musengwa Katonda akoba ati, ebikolimo ebyogerwaku mu kitabo kino kye basomeire kyabazinga wa Buyudaaya, nja kubituusa ku kifo kino ni ku bantu baamu.

Yobu 35:13

Bwenebwene balirira bwereere, Katonda tabawulira naire, oyo Aghanga Ebintu Byonabyona talingaku ye bali.

Zabbuli 18:41

Baalira nga benda okubabeera aye ghaabula abawonia; baalirira Musengwa Katonda aye yaaloba kubavugira.

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Ensambo 1:28

olwo mulindheta aye naabasiriikirira, mulindhagala mu buli kankondo aye nga timulimbona.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 24:17

Imwe abantu b'oku nsi mumpulirise! Entiisa n'olwina n'omutego, bibateegereire.

Yeremia 11:14

Musengwa Katonda yaakoba ati: “Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba bwe baliba mu buzibu ni bansaba mbayambe tiribawulirisa naire.

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 14:2

“Ensi Buyudaaya eri mu kulira, ebibuga byamu biri kufaagho. Abantu baamu balambaala ku itaka olw'okunakughala. N'ab'omu Yerusalemu baawowoola ebitaloodheka.

Yeremia 15:2

Bwe bakubuuza ye babe baje, bakobe oti nze Musengwa Katonda nkobye nti, ‘Ab'okufa endwaire ya kawumpuli, baje eri endwaire ya kawumpuli. Ab'okufiira mu lutalo, baje eri olutalo. Ab'okufa endhala, baje eri endhala. Ab'okutwalibwa mu busibe, baje mu busibe.’

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 19:3

Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Yeremia 23:12

Kale ni baidha kubanga ng'oti n'abatambulira mu nzikiiza mu ngira etyerera, batyererenga omwo bagwe. Nja kubatuusaaku akabi, kuba ekiseera kyaibwe eky'okubonerezebwamu kiri kwidha. Nze Musengwa Katonda, ninze nkobye.

Yeremia 25:35

Muzira ghe mulirumukira imwe abakulembeze, waire okubaaku ghe muliwonera imwe abalabirira abantu.

Yeremia 35:17

Kale ni, nze Musengwa Katonda Afuga Amagye, Katonda wa Isiraeli, nja kutuusa abantu b'omu Buyudaaya n'ab'omu Yerusalemu ku kuzikirira, nga bwe nabeesoomera eira. Kino nja kukikola lwa kuba nayogera n'imwe aye mwaloba kumpulirisa, era naabeeta aye mwaloba kunvugira.”

Yeremia 36:31

Ndikubonereza iwe, n'abaana bo, ni baidhukulu bo, n'abakungu bo, olw'ebibi mwenamwena bye mukola. Ndibaleetaku akabi ke neesoomera okubatuusaaku imwe, n'abantu b'omu Yerusalemu, n'ab'omu Buyudaaya, kuba nabalabula aye mwaloba kufaayo naire.”

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Ezekieli 14:3

“Iwe omuntu, abantu abo baghaireyo emyoyo gyaibwe okusinza ebitali nze Katonda, era ebyo bye bajiiraku byabaleetera okukola ebibi. Kale nsobola ntya okubaganha baneebuuzeeku?

Ezekieli 7:5

Musengwa Katonda akoba ati: “Bona, akabi akomwidhirano kaidha kubaidhira nga kano kaba kaakamala okuvaagho, kabiri ng'akandi kaidha!

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.