Yeremia 10:9 - Baibuli Ekibono kya Katonda 2014

⁹ Ebifaananie ebyo baabirimbyaku feeza ye baatoola e Tarushishi, ni zaabu ye baatoola mu Ufazi. Era abagheesi b'ebintu bya zaabu n'abakola ebifaananie ebyo n'obukugu. Baabivaaza engoye dha langi ya bbululu n'edh'eya nakasooma, edhaakolebwa abalusi b'engoye abakugu.

Yeremia 10:9 ပူးပေါင်းရင်းမြစ်များ

1 Bakyabazinga 10:22

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli lumaliira lwa myaka esatu, olugololiro olw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

2 Ebyomubyanda 9:21

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli ku nkomerero ya myaka esatu, olugololiro lw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

Zabbuli 115:4

Aye beene basinza ebitali Katonda ebya feeza ni zaabu, abantu beene bye bakola n'engalo dhaibwe.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Isaia 23:6

Muwowoole amaziga imwe abatyamye b'oku bukalu bw'enhandha, era mulumukire e Tarushishi.

Isaia 40:19

Tali ng'oti n'ekisinzibwa ekitali Katonda omukozi ky'ayiiya obuyiiye, ate omugheesi w'ebintu bya zaabu n'akirimbyaku zaabu, era n'akitaaku ebintu ebiri ng'oti ndhegere dha feeza.

Ezekieli 27:12

“Ab'e Tarushishi baasuubulagananga n'iwe olw'ebintu eby'obukombe kamaala by'oli nabyo, baakusasulangamu feeza, ekyuma ekigumu einho, amabaati, n'ekyuma ekizitogha.

Ezekieli 27:7

Baakola amatanga go mu ngoye edhaalukibwa obukalamu einho edhaavanga e Misiri. Amatanga ago nga n'agakola nga bendera yo. Baakughembaku engoye enungi edh'erangi ya bbululu n'edh'eya nakasooma, okuva mu bizinga eby'e Elisha.

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Hosea 8:6

Omuisiraeli omugheesi n'eyakola ekifaananie ekyo, aye nga ekifaananie ekyo ti Katonda. Kale ni kirimenhebwamenhebwa kyasigala bukutukutu.

Yona 1:3

Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.