Yeremia 10:8 - Baibuli Ekibono kya Katonda 2014

⁸ Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 10:8 ပူးပေါင်းရင်းမြစ်များ

Zabbuli 115:8

Abo ababikola bagwananga boona baaba ng'oti ni byene bwe biri, n'abo ababyesiga boona baabanga batyo.

Zabbuli 135:18

Abo ababikola ghalala n'abo ababyesiga, bagwananga boona baaba ng'oti ni byene bwe biri.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Isaia 44:19

Omuntu akola ekisinzibwa ekitali Katonda, taidhukira waire okwefumintirizaaku mule ati: “Ekitundu ky'omuti ogwo nkikumiisa omuliro naagufumbisa emere, era naatalikaku n'emamba naagirya. Memale obwo ekitundu kyagwo ekisigairegho ate kye nnaafuula ekisinzibwa ekyenhinhalwa, era ni nkikubira n'amakiryaivu, ate nga kiti buti?”

Yeremia 10:14

Olwo abantu boonaboona baaba nga basirughaire era nga tibakaalimu kategeera. Buli mugheesi wa bintu bya zaabu yaaswala olw'ebifaananie ebisinzibwa by'agheesa; kuba bya buguya bwereere, era biziramu bulamu naire.

Yeremia 2:27

Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Yeremia 5:4

Agho naakoba mule nti: “Abantu bano baavu inho era bazira kye baidhi. Tibaidhi Musengwa Katonda by'ayenda, waire okumanha amateeka ga Katonda waibwe oyo.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Yona 2:8

Abo abasinza ebitali Katonda ebitagasa, beefiiriza beene obusaasizi bwo.

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.