Yeremia 10:7 - Baibuli Ekibono kya Katonda 2014

⁷ Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 10:7 ပူးပေါင်းရင်းမြစ်များ

2 Bakyabazinga 17:39

Aye nze Musengwa Katonda waimwe, ninze ye mube mutyenga, era ninze ndidha okubawonianga abazigu baimwe boonaboona.”

1 Ebyomubyanda 16:25

Musengwa Katonda mukologho era agwaine okusinzibwa einho. Oyo n'ali n'okutiibwa okusinga ebyo byonabyona ebyetebwa bakatonda.

Zabbuli 147:5

Musengwa Katonda waife mukologho era wa buyinza, ali n'amagezi agatawaayo.

Zabbuli 22:28

kuba obufuzi bwonabwona bwa Musengwa Katonda, era oyo n'afuga amaghanga.

Zabbuli 47:3

Yatughangulira abantu baatugondera, yaatugha okufuga amaghanga.

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Zabbuli 86:8

Mu bakatonda ab'amaghanga agandi boonaboona ghazira ali ng'oti niiwe, era ghazira akola biri ng'oti n'ebibyo by'okola.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Zabbuli 89:6

kuba bwene naani ku bali ghaigulu eyo ayaga ni Musengwa Katonda? Oba naani ku bali mu igulu ali ng'oti ni Musengwa Katonda?

Okuvaayo 8:10

Kyabazinga yaamukoba ati: “Nsabira olwaidho.” Musa yaamukoba ati: “Ndidha kukola nga bw'osabye, era olwo onaamanha nga ezirayo katonda ali nga Musengwa Katonda waife.

Okuvaayo 9:14

Ku mukuzi guno nja kukubonereza nga nkusindikira ebibamba iwe mwene, n'abakungu bo, n'abantu bo abandi, olwo omanhe ng'ezirayo wundi ali ng'oti ninze Musengwa Katonda, mu nsi yoonayoona.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Yeremia 10:6

Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Habakkuku 3:2

Wo Musengwa Katonda, nawulira bye wakola era naatya inho. Ni mperaano tukolereku mu biseera byaife bino eby'amaani bye wakolanga eira. Tusaasirenga ni bw'oba ng'osungughaire.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”