Yeremia 10:6 - Baibuli Ekibono kya Katonda 2014

⁶ Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Yeremia 10:6 ပူးပေါင်းရင်းမြစ်များ

2 Samueli 7:22

Wo Musengwa Katonda wange, bwenebwene oli mukologho. Tituwulirangaku wundi ali ng'oti niiwe. Niiwe Katonda wenka, ezira wundi.

1 Ebyomubyanda 16:25

Musengwa Katonda mukologho era agwaine okusinzibwa einho. Oyo n'ali n'okutiibwa okusinga ebyo byonabyona ebyetebwa bakatonda.

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 147:5

Musengwa Katonda waife mukologho era wa buyinza, ali n'amagezi agatawaayo.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Zabbuli 96:4

Musengwa Katonda mukologho era ni yenka agwaine okusinzibwa. Oyo n'ali n'okutiibwa okusinga bakatonda ab'amaghanga agandi boonaboona;

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 8:10

Kyabazinga yaamukoba ati: “Nsabira olwaidho.” Musa yaamukoba ati: “Ndidha kukola nga bw'osabye, era olwo onaamanha nga ezirayo katonda ali nga Musengwa Katonda waife.

Okuvaayo 9:14

Ku mukuzi guno nja kukubonereza nga nkusindikira ebibamba iwe mwene, n'abakungu bo, n'abantu bo abandi, olwo omanhe ng'ezirayo wundi ali ng'oti ninze Musengwa Katonda, mu nsi yoonayoona.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 40:18

Kale olwo Katonda tunaamugeza ku ani, oba kiki kye tunaamufaanania?

Isaia 40:25

Kale olwo Katonda oyo Omutukuvu tunaamugeza ku ani? Ghaligho omuntu ye tunaamufaanania?

Isaia 46:5

Naani ye mulingezaaku ni mumwagayaza ninze, oba naani ye mulingeragerania naye ni tufaanana naye?

Isaia 46:9

Mwidhukire ebyaligho mu biseera eby'eira, mumanhe nga ninze Katonda zenka, ezirayo wundi; era ezirayo ali ng'oti ninze.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 32:18

Ogonza enkumi n'enkumi edh'abantu aghazira kulekera, aye ate weesasuuliza ku baana olw'ebibi by'abazaire baibwe. Oli Katonda mukologho era ow'amaani. Niiwe Musengwa Katonda Afuga Amagye.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

Amateeka Agokubiri 32:31

Kuba emisambwa gy'abazigu baife minafu, aye Katonda waife wa maani. N'abazigu baife beene ekyo bakiidhi.

Amateeka Agokubiri 33:26

Imwe Abaisiraeli, ezira katonda ali ng'oti ni Katonda waife, aseeyeeya ku igulu mu bire ng'ali mu kitiisa eky'obwakyabazinga, n'aidha okubabeera.