Yeremia 10:22 - Baibuli Ekibono kya Katonda 2014

²² Wulira oluvuuvuumo luli kwidha. Ghaligho akabuguutano nga kava mu nsi eri ku luuyi olw'omukono omugooda olw'e buvandhuba. Eigye lyayo lija kufuula ebibuga bya Buyudaaya bifulukwa byereere, omuba obw'ebibe.”

Yeremia 10:22 ပူးပေါင်းရင်းမြစ်များ

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Yeremia 1:14

Agho Musengwa Katonda yankoba ati: “Akabi kaliva ku luuyi olw'omukono omugooda olw'e buvandhuba, kaatuuka ku bantu boonaboona ababa mu kiketezo kino.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

Yeremia 2:15

Abazigu baibwe babawologomera na maani ng'oti mpologoma. Era baleeteire ensi Isiraeli okufuuka eirungu, baazikiriza ebibuga byamu byafuuka bifulukwa byereere, ghaabulagho omuntu abibaamu.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 4:15

Ghaligho abakwenda abaviire mu kibuga Dani ni mu nsozi dh'omu Efuraimu, okulangirira akabi akali kwidha.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Yeremia 49:33

Hazori kija kufuulibwa irungu ebyanda n'ebyanda, era kibe ekifo omuba obw'ebibe. Abantu tibaliiramu kusengayo. Tighaliba muntu alibangayo kabiri. Nze Musengwa Katonda, ninze nkobye.”

Yeremia 5:15

Bona, nze Musengwa Katonda ndidha kubasindikaku imwe Abaisiraeli, eighanga eriva eghala liidhe libalumbe. Eryo nga n'eighanga ery'eira eriri n'amaani, eryogera olulimi lwe mutaidhi, era lwe mutategeera.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Yeremia 6:22

Musengwa Katonda akoba ati: “Bona, ghaligho abantu abaidha okwidha nga bava mu nsi eri ku luuyi olw'omukono omugooda olw'e buvandhuba, eighanga ery'amaani eryo eriva eghala einho liri kwetegekera okulwana olutalo.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Ezekieli 12:19

Kobera abantu boonaboona ab'omu nsi yo oti Musengwa Katonda akoba ati: Abaisiraeli abakaali mu Yerusalemu baliryanga emere nga bali mu kutya, era baanhwanga amaadhi nga beeraliikirivu kuba ensi yaibwe eritoolebwamu byonabyona ebigirimu, olw'okuba nti abantu abagirimu bakola ebikolwa eby'obukambwe.

Malaki 1:3

Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”