Yeremia 10:2 - Baibuli Ekibono kya Katonda 2014

² Musengwa Katonda oyo akoba ati: “Mutayeganga mpisa dha bamaghanga gandi. Mutatyanga olw'obumanhiso obubabonekera ku igulu waire nga abamaghanga agandi babutya.

Yeremia 10:2 ပူးပေါင်းရင်းမြစ်များ

Amainhama 1:14

Agho Katonda yaakoba ati: “Ghabeegho ebyaka ku igulu, okwawulagho omusana n'obwire bibenga obumanhiso obw'ebiseera, obw'enaku, n'obw'emyaka,

Yeremia 10:1

Imwe Abaisiraeli, muwulire Musengwa Katonda by'ali kubakoba.

Ezekieli 20:32

Ni bwekiba ekyo kye mulowooza mbu mwenda mube ng'abamaghanga agandi n'abantu ab'omu nsi edhindi, musinze emiti n'amabaale, tikija kubaagho naire.

Abalevi 18:3

Muteebisanga ng'abantu ab'e Misiri ye mwabanga, oba ng'abantu ab'omu nsi Kanaani, ye ndi kubatwala. Mutajiiranga ku mpisa dhaibwe.

Abalevi 20:23

Muteebisanga ng'abantu abo be ndi kubingamu okuleetamu imwe kuba baakolanga ebyo byonabyona, bandeetera okubeesinwa.

Amateeka Agokubiri 18:9

Musa yaakoba Abaisiraeli ati: “Bwe mulimala okutuuka mu nsi Musengwa Katonda waimwe y'aja okubagha, mutagezangaku kwega kujiiranga ku mpisa edheenhinhalwa, ng'abamaghanga ago dhe bajiiraku.

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”