Yeremia 10:18 - Baibuli Ekibono kya Katonda 2014

¹⁸ Musengwa Katonda akoba ati: “Bona eno, ku luno ndi kuja kuwoloba ere abantu b'omu nsi eno, ng'oti bali bwa mu nsuumulo. Ndidha kubaleetera enaku ebalume ebitaloodheka.”

Yeremia 10:18 ပူးပေါင်းရင်းမြစ်များ

Isaia 22:17

Kale ni waire ng'oli w'amaani otya, Musengwa Katonda aliidha yaakugingulagho, yaakusuula ere bya ntaka.

Yeremia 16:13

Kyenva ndidha okubatoola mu nsi eno, mbasuule mu nsi imwe beene ni badhaadha baimwe ye mutawulirangaku naire. Eyo ye mwidha okubanga nga mugheereza bakatonda ab'amaghanga agandi omusana n'obwire. Era tija kubagemerwanga kivunika naire.’

Yeremia 22:26

Ndidha kukutoola mu nsi eno ng'oli ghalala n'inhoko akuzaala, nje mbasuule mu nsi ye mutaazaalibwamu, era mwembi eyo ye mulifiira.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Ezekieli 6:10

Baliimanha nga ninze Musengwa Katonda, era nga bwe nabalabula nti nja kubabonereza nali tiri kudhondha budhondhe.”

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.

1 Samueli 25:29

Bwe ghanaabangagho asituka okukuyiigania ng'ayenda okukwita, Musengwa Katonda wo aidha kukukuumanga ng'oti n'omuntu bw'akuuma eky'obukombe eky'omughendo. Aye abazigu bo, Musengwa Katonda aidha kubakonhoogereranga ng'oti n'omuntu bw'akonhoogerera amabaale mu nsuumulo.