Yeremia 10:10 - Baibuli Ekibono kya Katonda 2014

¹⁰ Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Yeremia 10:10 ပူးပေါင်းရင်းမြစ်များ

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

2 Ebyomubyanda 15:3

Abaisiraeli baamala ekiseera kinene nga bazira Katonda mwenemwene, era nga bazira kabona ayegeresa, waire okuba n'amateeka.

Yobu 9:6

Aleetera ensi okutengeeta mu kifo kyayo, era yaaleetera empango kw'etyaime okuyuuga.

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 100:5

kuba Musengwa Katonda mulungi okugonza kwe tikukoma kubaagho byanda na byanda, n'obwesigwa bwe buligho eri ense n'ense edh'abantu.

Zabbuli 104:32

Oyo alinga bulinge ku nsi yaadhugumira, ate yaagema bugeme ku nsozi dhaanioka omwosi.

Zabbuli 114:7

Iwe ensi dhugumira nga Musengwa Katonda atuuse, nga Katonda wa Yakobo aboneike,

Zabbuli 145:13

Obwakyabazinga bwo bwa byanda na byanda, era oja kufuga abantu ense n'ense. Musengwa Katonda mwesigwa mu by'akoba byonabyona era asaasira mu by'akola.

Zabbuli 146:6

Oyo n'eyakola eigulu n'ensi, n'enhandha, n'ebirimu byonabyona. Era oyo tiyeerabira ky'aba asuubiiza.

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Zabbuli 31:5

Ntaire obulamu bwange mu ngalo dho, kuba onnunwire, niiwe Musengwa Katonda omwesigwa.

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Zabbuli 68:11

Musengwa Katonda yagha ekiragiro, abantu kamaala baatambuza amawulire bati:

Zabbuli 68:8

ensi yatengeeta, eigulu lyayugha amaadhi, olusozi Sinai lwadhugumira olw'okwidha kwo, iwe Katonda wa Isiraeli.

Zabbuli 74:12

Ate nga iwe Katonda waife, okuva eira n'eira oli Kyabazinga waife; otulokoire emikuzi kamaala.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Zabbuli 76:8

Waba mu igulu waalangirira ensala yo, ensi yaatya era yaasiriikirira,

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Zabbuli 9:8

Asalira ensi omusango mu butuufu, era asalira abantu omusango nga tasaliriza.

Zabbuli 90:11

Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Zabbuli 93:2

Wo Musengwa Katonda, okuva eira n'eira ekityamo kyo eky'obwakyabazinga kigumu begulugulu, era iwe oligho lubeerera.

Zabbuli 97:4

Olukuba lwe lumyansa lwamulisa ensi; ensi yaalubona yaatengeeta.

Isaia 37:17

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

Isaia 37:4

Kyabazinga w'e Assiria yatuma omukungu we akulira bakungu baine boonaboona okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 40:28

Obwo bwenebwene timukiidhi era timukiwulirangaku? Kale ni bwenebwene Musengwa Katonda oyo ni Katonda atawaagho, eyatonda ensi yoonayoona okuva y'eva okutuuka y'ekanga. Takoogha waire okuwaamu amaani. Era titusobola kutegeera bukalamu magezi ge.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 65:16

Olwo kyaba nti, ole bw'aneesabiranga okugheebwa enkabi, enkabi edho aidha kudhisabanga nze Katonda ow'amazima. N'ole bw'anaalayiranga, aidha kulayiranga nze Katonda ow'amazima kuba ebizibu ebyabita biriwaagho byerabirwa, naaba nga tikaabifaaku naire.

Yeremia 23:36

Kale ni batakozesanga bibono ebyo, ‘Omugugu gwa Musengwa Katonda,’ kuba oyo alibikozesa yeenayeena, nja kufuula obukwenda bwange bube omugugu gwene omuzito eri omuntu oyo. Abantu bafuulaniafuulania ebibono byange nze Musengwa Katonda waibwe, Afuga amagye.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Yeremia 50:46

Babiloni bwe kirigwa, omuvuuma guliba gwa maani inho n'ensi yoonayoona yaatengeeta. Era okulira kw'abantu baakyo kulija ghala inho kwatuuka ni mu maghanga goonagoona.”

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Amateeka Agokubiri 5:26

Naani mu bantu boonaboona, eyaali awuliireku amamiro ga Katonda omulamu ng'ali kwogera mu muliro ghagati, nga ife bwe tuwuliire, aye omuntu oyo n'asigala ng'akaali mulamu?

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

Abaheburayi 10:31

Nga kitiisa okugwa mu mikono gya Katonda omulamu!

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Abalamuzi 5:4

Wo Musengwa Katonda, bwe wava mu Seiri, n'ova mu kiketezo eky'e Edomu, ensi yatengeeta n'eigulu lyagwisa amaadhi. Bwenebwene amaadhi gaafukumuka okuva mu bire.

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”