Yeremia 1:9 - Baibuli Ekibono kya Katonda 2014

⁹ Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Yeremia 1:9 ပူးပေါင်းရင်းမြစ်များ

Isaia 49:2

Yaleetera ebibono bye ndhogera okuba ng'oti mpiima endhogi. Yankuuma n'omukono gwe naaba ng'oti kalaso ke akaghagale mu kiruutu kye.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Yeremia 15:19

Agho Musengwa Katonda yankoba ati: “Bw'onaira ye ndi, zeena ndidha kukwiza obe wange ompeerezenga. Bw'onaalekera okwogera ebiziramu makulu, n'oyogeranga eby'amakulu, oidha kwiramu okuba omulanzi wange. Abantu baidha kwidhanga y'oli, se ti iwe okujanga ye bali.

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 5:14

Kale ni, Musengwa Katonda Afuga Amagye akoba ati: “Bona eno, olw'okuba abantu abo boogeire batyo, ndidha kufuula ebibono byange by'oyogera bibe ng'oti muliro, ate abantu abo babe ng'oti nku. Olwo omuliro gubasenkeenhe ng'oti nku.

Ezekieli 3:10

Era Katonda oyo yankoba ati: “Iwe omuntu, tega kutu owulire byonabyona bye nja okukukoba era obiteeku omwoyo.

Danieli 10:10

Naja okuba agho ng'omukono gungemaku okunsitusa, naaba ku bivu byange nga nsimbye amakono gange ghansi, era nga ndi kudhugumira.

Danieli 10:16

Agho malaika eyafaanana ng'oti muntu yangema ku munwa. Olwo naatoolera okwogera, naamukoba nti: “Isebo, okubonekerwa kuno kundeeteire okunakughala kungi, era kwamaliramu irala amaani.

Okubala 23:5

Agho Musengwa Katonda yaalagira Balaamu by'anaayogera, era yaamukoba ati: “Irayo ye Balaki oyogere otyo.”

Matayo 10:19

Aye bwe babaghangayo muteeraliikiriranga kye munaayogera, oba kye munaakoba kuba mu kaseera keene ako munaagheebwanga eky'okwogera.

Mariko 7:33

Agho yaamutoola mu bangi, yaamwiza gha mbali, yaamuta engalo mu matu, yaafuudha, yaamugema ku lulimi

Luka 12:12

kuba Mwoyo Mutukuvu alibeegeresa mu saawa yeene eyo kye mugwaine okwogera.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Amateeka Agokubiri 18:16

“Ku lunaku lule lwemwesololezaaku eyo ku lusozi Sinai, mweghemba Musengwa Katonda waimwe mulobe kwirayo kuwulira ng'ali kwogera, waire okwiramu okubona omuliro gwe ogw'amaani. Kuba mwali muli kutya, muti musobola okufa.

Amateeka Agokubiri 18:17

Agho Musengwa Katonda yaakoba ati, ‘Byonabyona bye boogeire bituufu.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.