Yeremia 1:8 - Baibuli Ekibono kya Katonda 2014

⁸ “Otatya muntu yeenayeena, kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 1:8 ပူးပေါင်းရင်းမြစ်များ

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 39:11

Agho kyabazinga Nebukadinezzari ow'e Babilonia yaalagira Nebuzaradani omukulu w'abaisirukale ati:

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 3:25

Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Matayo 10:26

“Kale abo mutabatyanga kuba ghazira kibwikiibwa kitalibwikulibwa, oba ekigisiibwa ekitalimanhibwa.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ebikolwa by'Abatume 18:10

Kuba ndi n'iwe, ghazira aidha kukukola kabi, kuba ndi n'abantu kamaala mu kibuga muno.”

Ebikolwa by'Abatume 26:17

Ndidha kukuwonianga abantu ab'eighanga lyo n'abantu abamaghanga agandi ye ndi kukutuma.

Ebikolwa by'Abatume 4:13

Bwe baabona obugumu bwa Petero ni Yoanne, nga bamaze okumanha bati baali bantu abataasoma era ababuliidho, beewuunhia inho era baabategeera bati baali baba ni Yesu.

Ebikolwa by'Abatume 4:29

Mperaano ni, Musengwa, bona okutiisatiisa kwaibwe, era gha abagheereza bo okwogera ekibono kyo n'obugumu bwonabwona.

Ab'Efeso 6:20

Ndi mukwenda wa Mawulire ago Amalungi waire ndi mu ikomera. Munsabire ndobe kutya mu kugamanhisa abantu nga bwe kigwaniire.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”