Yeremia 1:2 - Baibuli Ekibono kya Katonda 2014

² Musengwa Katonda yayogera ni Yeremia mu mwaka ogweikumi n'esatu (13) ogwa kyabazinga Yosia mutabane wa Amoni, eyali nga n'afuga Buyudaaya mu kiseera ekyo

Yeremia 1:2 ပူးပေါင်းရင်းမြစ်များ

1 Bakyabazinga 13:2

Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

1 Bakyabazinga 13:20

Agho bwe baali nga batyaime ku kiiwulo, ekibono kya Musengwa Katonda kyaidha y'omulanzi omukaire eyaiza ole.

2 Bakyabazinga 21:18

Agho Manasse yaafa yeeyimba ku badhaadha be abaafa, era yaaziikibwa mu nimiro y'omu kisaagaati kya kyabazinga, eyetebwa eya Uzza. Mutabane we Amoni yaamusikira ku bwakyabazinga.

2 Bakyabazinga 21:24

Aye abantu ab'omu Buyudaaya baita abo boonaboona abaakolera Amoni oyo olukwe, era baataagho mutabane we Yosia yaamusikira ku bwakyabazinga.

2 Bakyabazinga 22:3

Kyabazinga Yosia, mu mwaka gwe ogweikumi n'omunaana nga n'afuga Buyudaaya, yaatuma omughandiisi we Shafani, mutabane wa Azalia era mwidhukulu wa Meshullamu, aje mu isinzizo lya Musengwa Katonda, ng'amukoba ati:

Yeremia 1:11

Agho Musengwa Katonda yambuuza ati: “Yeremia, oli kubona ki?” Naamwiramu nti: “Ndi kubona olusaga olw'omuti omwalumondi.”

Yeremia 1:4

Agho Musengwa Katonda yankoba ati:

Yeremia 25:3

“Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 28:12

Ebyo nga bimaze okuwa, Musengwa Katonda yankoba

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Hosea 1:1

Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.

Yoeli 1:1

Buno n'obukwenda Musengwa Katonda bwe yatuma Yoeli mutabane wa Pethueli aje akobere abantu.

Yona 1:1

Lwali lulala Musengwa Katonda yaakoba omusaadha ye baayetanga Yona, mutabane w'Amittai ati:

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Zefania 1:1

Buno n'obukwenda Musengwa Katonda bwe yatuma Zefania aje akobere abantu, mu biseera bya kyabazinga wa Buyudaaya eyayetebwanga Yosia, eyali mutabane wa Amoni. Zefania oyo yali mutabane wa Kushi, Kushi yali mutabane wa Gedalia, Gedalia yali mutabane wa Amaria, Amaria yali mutabane wa kyabazinga Hezekia.