Yeremia 1:18 - Baibuli Ekibono kya Katonda 2014

¹⁸ “Bona eno, olwaleero nkufiire ng'oti n'ekibuga ekyezungulwirwa ebimante ebigumu, oba ng'oti n'empango eyakolebwa mu kyuma ekigumu einho, oba ng'oti n'ekisenge ekyakolebwa mu kyuma eky'ekikomo olwanise bakyabazinga ba Buyudaaya, n'abakungu baayo, ni bakabona baayo, era n'abantu baayo boonaboona.

Yeremia 1:18 ပူးပေါင်းရင်းမြစ်များ

Isaia 50:7

Aye ebyo nze tibiimalaamu maani waire okuntabula, kuba Musengwa Katonda ambeera. Kale ni neevaamu naabagumira ng'oti ibaale, era ndidhi nga tiidha kuswazibwa.

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Yeremia 15:20

Ndidha kukufuula obe ye bali ng'oti kimante ekigumu eky'ekyuma eky'ekikomo. Balikulwanisa aye tibalikughangula, kuba ndidha kubanga ghalala niiwe okukukuuma n'okukuwonia ebizibu.

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Yeremia 21:4

“Muje mukobe Zedekia muti Musengwa Katonda, Katonda wa Isiraeli akoba ati, ‘Nja kughangula eigye lyo eriri kulwanisa kyabazinga w'e Babilonia n'eigye lye eribazingiiza okubeezunguluza. Era nja kusolokeza eby'okulwanisa byaimwe ghagati mu kibuga.

Yeremia 26:24

Aye nze Yeremia tibampaayo eri bantu kundhita, kuba Ahikamu mutabane wa Shafani yampolerezaayo inho.

Yeremia 34:3

Era iwe kyabazinga Zedekia weena toliwona. Balikugema baakutwala ye kyabazinga w'e Babilonia oyo, waayogera naye nga mubonagana maiso ku maiso. Era balimala baakutwala e Babilonia.

Yeremia 37:7

“Nze Musengwa Katonda, Katonda wa Isiraeli nkoba nti, kyabazinga oyo Zedekia eyakutuma okwidha okuneebuuzaaku, ja omukobe oti, ‘Eigye lya Misiri libaire liri mu ngira nga liri kwidha okubayamba, aye lija bwa kwirayo ewaibwe.

Yeremia 38:18

Aye bw'onaaloba okweghaayo eri abakungu ba kyabazinga w'e Babilonia, Musengwa Katonda aja kughaayo ekibuga kino eri Abababilonia bakyokye omuliro, era n'iwe weena olobe kubawona.’ ”

Yeremia 38:2

“Musengwa Katonda akoba ati, ‘Omuntu yeenayeena anaasigala mu kibuga kino aidha kwitirwa mu lutalo, oba okufa endhala, oba okufa endwaire ya kawumpuli. Aye anaakifuluma ni yeeghaayo eri Abababilonia, aidha kuwoniagho obulamu bwe.’

Yeremia 42:22

Kale ni mukimanhire irala muti muja kufiira mu ntalo, oba okufa endhala, oba okufa endwaire ya kawumpuli, eyo mu nsi ye muli kwenda okuja okuba.”

Yeremia 6:27

Iwe Yeremia nkutairegho mu bantu bange, obalebe obone bwe bafaanana ng'omuntu bwe yeekebeedha ekyuma.

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Okwolekebwa 3:12

Oyo aghangula, ndimufuula empango mu isinzizo lya Katonda wange era talirivaamu. Ndimughandiikaku eriina lya Katonda wange, n'eriina ly'ekibuga kya Katonda wange Yerusalemu ekiyaaka ekiika nga kiva mu igulu ewa Katonda wange. Era ndimughandiikaku eriina lyange eiyaaka.