Yeremia 1:17 - Baibuli Ekibono kya Katonda 2014

¹⁷ Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Yeremia 1:17 ပူးပေါင်းရင်းမြစ်များ

1 Bakyabazinga 18:46

Agho amaani ga Musengwa Katonda gaidha ku Eliya, yaanhweza ekivaalo kye mu nkende, yaalumuka yeesooka Ahabu aghaingirirwa e Yezireeli.

2 Bakyabazinga 1:15

Agho malaika wa Musengwa Katonda yaakoba Eliya ati: “Ika olusozi oje naye, otamutya.” Eliya yaasituka yaika olusozi ghalala n'omusaadha oyo akulira abaisirukale amakumi ataanu, yaaja ye kyabazinga.

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

2 Bakyabazinga 9:1

Agho Elisha omulanzi yaayeta omwisuka mulala ku b'ekikunsu eky'abalanzi, yaamukoba ati: “Weetegeke, ogeme akadoome kano ak'omuzigo ogw'ebibala eby'emiti emyoliva, oje e Ramothi Gileadi.

Yobu 38:3

Kale ni fungiza ondhiremu bye nkubuuza.”

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 7:2

Bye nkukoba byonabyona bikobere Aaroni. Aaroni akobe kyabazinga aleke Abaisiraeli baje, bave mu nsi ye.

Yeremia 1:18

“Bona eno, olwaleero nkufiire ng'oti n'ekibuga ekyezungulwirwa ebimante ebigumu, oba ng'oti n'empango eyakolebwa mu kyuma ekigumu einho, oba ng'oti n'ekisenge ekyakolebwa mu kyuma eky'ekikomo olwanise bakyabazinga ba Buyudaaya, n'abakungu baayo, ni bakabona baayo, era n'abantu baayo boonaboona.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 26:12

Agho naakoba nti: “Musengwa Katonda yantuma okulangirira ebyo byonabyona ebirituuka ku isinzizo lino ni ku kibuga kino, bye muwuliire nga nkoba.

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Yeremia 36:8

Kale Baruku yaasomera ebibono bya Musengwa Katonda mu isinzizo, mu nsambo yeene nga bwe namukoba asome.

Okulira 3:57

Bwe nakulirira waseeta kumpi ninze era wankoba oti, ‘Otatya.’

Yona 3:2

“Situkiramu oje eri abantu ab'omu kibuga Nineve, ekibuga ekikologho ekyo, obakobere obukwenda bwe nakukoba.”

Luka 12:35

“Mwesibe ensibiro, mukunaanie n'entaala dhaake.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

1 Ab'e Korintho 9:16

Bwe nkobera abantu Amawulire Amalungi ekyo tikindeetera kwenhumiriza, kuba era nteekwa buteekwe okubakobera, era mba nga nkagwireku bwentakobera bantu Mawulire Amalungi.

1 Ab'e Thessalonika 2:2

Waire twali tumaze okudaazibwadaazibwa era n'okuswazibwaswazibwa bwe twali e Filippi, nga bwe mwidhi, twaguma ku lwa Katonda waife twabakobera Amawulire ge Amalungi mu kutakanizibwa okunene.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.