Yeremia 1:16 - Baibuli Ekibono kya Katonda 2014

¹⁶ Ndisalira abantu bange omusango gwabasinga olw'obubi bwaibwe; kuba banvaaku baaniokeza bakatonda abandi obubbaani, era baasinza ebintu bye baakola beene n'engalo dhaibwe.

Yeremia 1:16 ပူးပေါင်းရင်းမြစ်များ

2 Bakyabazinga 22:17

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 28:2

Aye yaajiiranga ku mpisa embi edha bakyabazinga ba Isiraeli, era yaakola n'ebifaananie by'emisambwa Baali, mu kyuma ekisaanuusiibwa.

2 Ebyomubyanda 34:25

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Ebyomubyanda 7:19

Aye bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

Isaia 2:8

Ensi yaibwe eidhwire ebisinzibwa ebitali Katonda, abantu baasinza ebyo beene bye bakola n'emikono gyaibwe; ebintu obuntu bye bakola n'engalo dhaibwe.

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Isaia 44:15

Omuntu oyo atoola ku muti gw'atemye yaakolamu ekisinzibwa ekitali Katonda, era ekifaananie ekyo ekibaadhe yaakikubira amakiryaivu, yaakisinza. Bw'amala, omuti ogusigairegho agufuulamu nku, yaatwala yaakumisa omuliro, yaayota yaasuugha, era yaafumbisa n'emere.

Isaia 65:3

Bansoononkereza ekiseera kyonakyona nga bagheera emisengo mu nimiro dhe baasengamu emisambwa, era nga baniokeza obubbaani mu bifo ebigulumivu eby'okusinzizaamu.

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 10:3

Empisa edh'abamaghanga ago muzira muganhulo. Omuntu aja yaatema omuti mu kibira, omubaadhi yaatoola ebyuma yaagubaadhamu ekifaananie n'engalo dhe.

Yeremia 11:12

Olwo abantu b'omu Yerusalemu n'ab'omu Buyudaaya balija ye bakatonda be baniokeza obubbaani, baabalirira babayambe. Aye bakatonda abo tibalisobola kubawonia ng'akabi kaidhie.

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 4:12

Eno eidha kuba ya maani okusingagho. Nze Musengwa Katonda mwene ninze nja okusalira abantu bange omusango.”

Yeremia 4:28

‘Ekyo kirireetera ensi okulira, ni ku igulu kwairugala; kuba nze kye ndhogeire tiidha kukikyusaamu naire, era kye nsazeegho tiidha kukivaaku naire.’

Yeremia 44:17

Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.

Yeremia 5:29

Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 51:17

Olwo abantu boonaboona baaba nga basirughaire era nga tibakaalimu kategeera. Buli mugheesi wa bintu bya zaabu yaaswala olw'ebifaananie ebisinzibwa by'agheesa; kuba bya buguya bwereere era biziramu bulamu naire.

Yeremia 7:17

Tobona bye bakola mu bibuga bya Buyudaaya ni mu nguudo dha Yerusalemu?

Yeremia 7:18

Abaana bagherera enku, baiseibwe baakuma omuliro, bainhaibwe baakanda engaano okufumba emigaati. Nga bafumbira omusambwa gwe beeta Kyabazinga Omukazi ow'Eigulu. Baafukira emisambwa egindi ebigheebwayo eby'okunhwa, bansoononkereza bandeetera okusungughala.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Ezekieli 16:18

Waatoola engoye edhaalukibwa obukalamu dhe nakugha, wadhibivaaza. Waatoola omuzigo gwange ogw'ebibala eby'emiti emyoliva n'obubbaani bwange, waabighaayo ye biri ng'ebigheebwayo.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 8:6

Omuisiraeli omugheesi n'eyakola ekifaananie ekyo, aye nga ekifaananie ekyo ti Katonda. Kale ni kirimenhebwamenhebwa kyasigala bukutukutu.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Ebikolwa by'Abatume 7:41

Agho, mu nnaku edho, baakola ekifaananie eky'ente ento. Baagheereza ekisinzibwa ekyo ekitali Katonda omusengo era baasagambya olw'ekintu ekyo kye baakola obukole.

Amateeka Agokubiri 28:20

“Bwe munaakolanga ebibi ni muva ku Musengwa Katonda, Musengwa Katonda oyo aidha kubasindikiranga ebikolimo, okusoberwa era n'okutabulwa, mu byonabyona bye munaakolanga, okutuusa lwe mulizikirizibwa ni muwaagho amangu geene.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”

Okwolekebwa 9:20

Abantu abandi boonaboona, abataitibwa bibamba bino, baaloba kwenenia mu ebyo bye baakolanga: Baaloba kuleka okusinza emizimu emibi n'ebisinzibwa ebitali Katonda bye baakola mu zaabu, ni mu feeza, ni mu kyuma eky'ekikomo, ni mu mabaale, ni mu miti, ebitasobola kubona oba kuwulira oba kutambula.