Yeremia 1:13 - Baibuli Ekibono kya Katonda 2014

¹³ Kabiri Musengwa Katonda yambuuza omukuzi ogwokubiri, ati: “Oli kubona ki?” Naamwiramu nti: “Ndi kubona entamu eri kutogota, ng'eri ku luuyi olw'omukono omugooda olw'e buvandhuba era nga yeeghendhekeire eruuyi eno.”

Yeremia 1:13 ပူးပေါင်းရင်းမြစ်များ

Amainhama 41:32

Ekirooto okuba eky'emikuzi ebiri kitegeeza kiti: Katonda asazeegho okukola ekintu ekyo, era nga aidha kukituukiriza mangu.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Yeremia 24:3

Agho Musengwa Katonda yambuuza ati: “Yeremia, kiki ky'oli kubona?” Naamwiramu nti: “Ndi kubona emitiini emirungi einho, era naabona n'emibi, nga mibi inho egitasoboka na kuliibwa.”

Ezekieli 11:3

nga bakoba bati, ‘Ekiseera eky'okuzimbiramu amayumba kinaatera okutuuka.’ Era bati, ‘Ekibuga kino n'ensaka efumba, ate ife niife emamba.’

Ezekieli 11:7

“Kale nze Musengwa Katonda kyenva nkoba nti ekibuga kino n'ensaka, era abantu be mutirimbula ni mubaleka omwo nga bagwire, n'emamba. Aye imwe ndibabinga naabafulumya mu kibuga kino.

Ezekieli 12:28

Kale ni bakobere oti nze Musengwa Katonda nkoba ati: Tighaabengagho kulwisa naire. Kye nnaayogeranga kiidha kutuukirizibwanga. Nze Musengwa Katonda ninze nkobye.”

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Zekaria 4:2

Yambuuza ati: “Kiki ky'oli kubona?” Naamwiramu nti: “Ndi kubona ekikondo eky'entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu.