Yeremia 1:11 - Baibuli Ekibono kya Katonda 2014

¹¹ Agho Musengwa Katonda yambuuza ati: “Yeremia, oli kubona ki?” Naamwiramu nti: “Ndi kubona olusaga olw'omuti omwalumondi.”

Yeremia 1:11 ပူးပေါင်းရင်းမြစ်များ

Amainhama 30:37

Yakobo yaatoola ensaga embisi edh'emiti gino: omupopulari, omwalumondi era n'omupulane. Yaadhisisibulaku ebiwutu ebindi, dhaabaamu emyalaala emyeru.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Yeremia 24:3

Agho Musengwa Katonda yambuuza ati: “Yeremia, kiki ky'oli kubona?” Naamwiramu nti: “Ndi kubona emitiini emirungi einho, era naabona n'emibi, nga mibi inho egitasoboka na kuliibwa.”

Ezekieli 12:25

Nze Musengwa Katonda mwene, ninze ndidha okwogeranga, era nga kye nkoba kituukirizibwa. Tighaabengagho kulwisa naire. Kye nnaayogeranga mu biseera byaimwe, imwe abadheemu, ndidha kukituukirizanga. Nze Musengwa Katonda ninze nkobye.”

Ezekieli 12:28

Kale ni bakobere oti nze Musengwa Katonda nkoba ati: Tighaabengagho kulwisa naire. Kye nnaayogeranga kiidha kutuukirizibwanga. Nze Musengwa Katonda ninze nkobye.”

Ezekieli 7:10

Bona, olunaku luuluno lutuuse, olunaku olw'akabi! Obutajiira ku mazima bweyongeire, n'okwekuluntaza kwabitirira.

Amosi 7:8

Agho yambuuza ati: “Amosi, kiki ky'oli kubona?” Naamwiramu nti: “Ndi kubona omugugha ogupima.” Olwo yankoba ati: “Ndi kukozesa omugugha ogupima okwoleka nti abantu bange Abaisiraeli, bali ng'oti n'ekimante ekitatereire. Kale nteekwa buteekwe okubabonereza.

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Zekaria 4:2

Yambuuza ati: “Kiki ky'oli kubona?” Naamwiramu nti: “Ndi kubona ekikondo eky'entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu.

Zekaria 5:2

Malaika yambuuza ati: “Kiki ky'oli kubona?” Nairamu nti: “Ndi kubona enzingo y'ekitabo ng'eri kugulukira mu ibbanga. Obuleeyi bwayo buli mita mwenda, ate obugazi bwayo bwaba mita ina n'ekitundu.”

Okubala 17:8

Ku lunaku olwairirira, Musa bweyaja mu Weema eyo, yaabona ng'omwigo gw'Aaroni ogw'ab'ekika kya Levi gusibwike, gwaleeta amakaba, gwamulisa ebimuli, era gwataaku ebibala ebyetebwa alumondi ebyenvu.