Yeremia 1:1 - Baibuli Ekibono kya Katonda 2014

¹ Bino n'ebibono Yeremia bye yayogera. Yeremia oyo yali mutabane wa Hilikia, eyali owundi ku bakabona ab'e Anathothi mu kiketezo kya Benjamini.

Yeremia 1:1 ပူးပေါင်းရင်းမြစ်များ

1 Bakyabazinga 2:26

Kyabazinga Solomoni yaakoba Abiathari kabona ati: “Ja mu kyalo kyo mu Anathothi. Ogwaniire okwitibwa, aye tiidha kukwita mpegaano, kuba walabiriranga Esanduuku ya Musengwa Katonda ey'Endagaano, bwe wali ni lata wange Daudi, era waabanga ghalala naye mu bizibu bye byonabyona.”

1 Ebyomubyanda 6:60

Mu kiketezo ekyagheebwa Ababenjamini, Abalevi abo baafunayo ebibuga bino: Geba, ghalala n'ebyayiro byakyo; Alemethi, ghalala n'ebyayiro byakyo ni Anathothi, ghalala n'ebyayiro byakyo. Ebibuga byonabyona aghalala bye baabagha, byali ikumi na bisatu.

2 Ebyomubyanda 35:25

Ni Yeremia omulanzi yeena yaalira Yosia. Era okulira kwe okwo, abembi boonaboona abasaadha n'abakazi baakufuulamu mpisa mu Isiraeli ni ye buli eno, okwembanga ku Yosia nga bamulira.

2 Ebyomubyanda 36:12

Yaakolanga ebibi ebitaasiimya Musengwa Katonda we. Yaaloba n'okugondera Yeremia omulanzi, ng'aidhie okumukobera Musengwa Katonda oyo bye yamutuma.

2 Ebyomubyanda 36:21

Ekyo kyabaagho okutuukiriza Musengwa Katonda bye yayogera ng'abita mu Yeremia omulanzi, ati: “Ensi erirekebwa agho etyo okumala entangama ya myaka nsanvu ng'ewuumula, olw'okwesasuuza ekiwuumulo kya Sabbato kye baali tibakuzanga.”

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 2:23

abantu ab'e Anathothi baali kikumi n'abiri na munaana (128);

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 10:30

Mwasiikane imwe ab'e Gallimu! Muntegere kutu imwe ab'e Laisha! Mundhiremu imwe ab'e Anathothi!

Isaia 2:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi.

Yeremia 11:21

Bino Musengwa Katonda by'akoba abantu ab'omu Anathothi, abenda okundhita nga bakoba bati: “Bw'onaalangirira mu liina lya Musengwa Katonda, twidha kukwita.”

Yeremia 29:27

Aye lwaki tokoze otyo Yeremia ow'e Anathothi, ate ng'ali kukobera abantu obukwenda ng'omulanzi?

Yeremia 30:1

Agho Musengwa Katonda yankoba nze Yeremia ati:

Yeremia 37:12

Agho nze naava mu Yerusalemu, naaja mu kiketezo kya Benjamini nfune omugabo mu b'ekika kyange.

Ezekieli 1:3

Nga tuli eyo e Babilonia okumpi n'omwiga Kebari, Musengwa Katonda yayogera ninze era naawulira mule ng'amaani ge gandidhieku.

Danieli 9:2

nze Danieli nali ndi kwetegereza ebyaghandiikibwa ebitukuvu, naabona ng'emyaka gija kuba nsanvu, ekibuga Yerusalemu gye kiri n'okumala nga kisigaire bifulukwa byereere, nga Musengwa bwe yamanhisa Yeremia omulanzi.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Matayo 16:14

Baakoba bati: “Abandi bamweta Yoanne Omubatiza, abandi Eliya, ate abandi Yeremia, oba omulanzi ng'abalanzi abandi.”

Matayo 2:17

Kityo ni kyatuukirira omulanzi Yeremia kye yakoba ati:

Matayo 27:9

Agho kyatuukirira Yeremia omulanzi kye yalanga ng'akoba ati: “Baatoola feeza emwamwa amakumi asatu, omughendo ogugula oyo, abandi ku bantu ba Isiraeli gwe baasalagho okumutunda,