Yakobo 5:9 - Baibuli Ekibono kya Katonda 2014

⁹ Aboluganda, mutaduuduumanga nga mwogeraganaku kino oba kire, olwo lwe mutalisalirwa musango. Mwidhukire ng'omusazi w'omusango tabali ghala.

Yakobo 5:9 ပူးပေါင်းရင်းမြစ်များ

Amainhama 4:7

Bw'oba ng'okoze ekituufu tosiimibwa? Aye nga bw'okoze obubi, ekibi kikuteegereire ku lwigi nga kyenda okukufuga. Aye oteekwa okukighangula.”

Zabbuli 59:15

Beewunhawunha ghano ni ghale nga baagala eky'okulya, era baatolotooma bwebaba nga tibaigwite.

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Matayo 24:33

Kale imwe mwena bwe mubonanga ebintu bino byonabyona, mumanhanga muti ali kumpi, ku mulyango kwene.

Mariko 13:29

Kale imwe bwe mubonanga ebintu bino nga bibaagho, mumanhanga muti ali kumpi ku lwigi kwene.

Mariko 6:19

Olw'ekyo Herodia yeegemerera Yoanne nga yeeguguna na kumwita, aye yaaloba kusobola.

1 Ab'e Korintho 10:11

Bino byonabyona byabatuukaku bibe eby'okuboneraku eri abandi, era byaghandiikibwa olw'okutwegeresa ife abaligho mu biseera bino ng'ensi eri kumpi okutuuka ku nkomerero.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.

Ab'e Galatia 5:14

kuba Amateeka goonagoona gatuukirizibwa lino eirala erikoba liti: “Ogonzanga muntu mwino oti ni bwe weegonza mwene.”

Ab'e Galatia 5:26

Tulobe kwegungumaza, waire owundi okwesonsa ku mwine, oba okumugemerwa ensaalwa.

Yakobo 4:11

Aboluganda, mutoogeranga bubi ku banaimwe. Ole ayogera ku woluganda obubi oba amusalira musango, aba ayogeire bubi ku Mateeka era aba agasaliire omusango. Ate nga bw'osalira Amateeka omusango oba tokaali mugemi wa Mateeka, aye oba ofuuse agasalira omusango.

Yakobo 4:12

Agha Amateeka era asala emisango ali mulala yenka. Oyo n'asobola okuwonia n'okuzikiriza. Aye iwe niiwe ani asalira mwino omusango?

Yakobo 5:10

Aboluganda, mubonere ku balanzi abaayogeranga mu liina lya Musengwa, abaadaazibwadaazibwa era ni baguminkiriza.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.

1 Petero 4:5

Aye baliba n'okwewozaaku mu maiso ga Katonda oyo aja okusalira abalamu n'abafu omusango.

1 Petero 4:9

Musangaazenga banaimwe mu maka gaimwe, n'omwoyo mulala.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.