Yakobo 5:5 - Baibuli Ekibono kya Katonda 2014

⁵ Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.

Yakobo 5:5 ပူးပေါင်းရင်းမြစ်များ

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Zabbuli 73:7

Bageedhie n'amaiso gaabafunduka, emyoyo gyaibwe gyaidhula okwenda okukola ebibi.

Ensambo 17:1

Omuntu amala galya bumere bukalukalu ng'ali n'emiraala, ataliire mbaga ng'ali mu maka agalimu okusoola.

Ensambo 7:14

“Olwaleero mpaireyo ekigheebwayo olw'okutabagana, era naasasula kye neeyama. Kale ndi n'emamba kamaala eka.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Isaia 3:16

Musengwa Katonda era akoba ati: “Abakazi b'omu Yerusalemu beebona nga ba ghaigulu, baatambula nga bamadalaiza emitwe, era baamoga bwenzi bwereere. Batambula mpolampola kasaalizo, baaja nga bawolomya obulege bwe bavaala mu bukongoivule.

Isaia 47:8

Kale ni wulira kino, iwe ayenda einho amasanhu: Oja waatyama waasiira n'enkondo, waakoba mule oti, ‘Ninze aligho, ezirayo wundi okutoolaku nze. Nze tija kuba namwandu, waire okufiirwaku abaana.’

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Ezekieli 16:49

Bona eno, ekibi Sodoma kye yakola ghalala n'ebibuga bye, kyali kwekuluntaza olw'okuba n'emere enhingi, era nga buli kintu kibajiira bukalamu mu miraala, aye ni baloba okuyamba abaavu n'abali mu bwetaavu.

Ezekieli 39:17

Musengwa Katonda yankoba ati: “Iwe omuntu, koba enhonhi edha buli nsambo n'ensolo dhoonadhoona edh'omu nsiko, dheesoloze okuva woonawoona dhiidhe ku kibinuko eky'omusengo kye nja okudhitegekera. Kiriba ekibinuko eky'omusengo ekikologho ku nsozi edh'omu Isiraeli. Dhirirya emamba, dhaanhwa n'omusaayi.

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Ab'e Roma 13:13

Twebise bukalamu ng'abaana abali mu butangaavu. Tutaja mu binhumo ni mu kutamiira waire mu bwenzi, oba obukaba. Tutasoola oba okuba n'ensaalwa.

1 Timotheo 5:6

Aye namwandu oyo ajiira ku by'amasanhu aba mufu, waire aba ng'akaatambula.

2 Timotheo 3:4

abateesigika, abagwidhubana, abaghaganhala olw'okwebona nga ba ghaigulu, abagonza eby'amasanhu mu kifo ky'okugonza Katonda,

2 Petero 2:13

Era balidaagadaaga nga bwe badaazadaaza abantu. Kibasangaaza okukola ebinhoonha emibiri gyaibwe omusana omukulu. Abantu bano baswaza era bagemya ensoni bwe baidha ni babeeyimbaku ku biiwulo byaimwe. Kino kibanhoonha inho bwe babona nga beene bali kuguya imwe.

Yuda 1:12

Abantu bano bwe baba ku mbaga dhaimwe edh'okugonzania baswaza inho. Baidhirira kulya, na kunhwa, na kwefaaku bonka nga bazira na nsoni. Bali ng'oti bire ebitavaamu maadhi, ebija n'empewo. Bali ng'oti miti egitabaaku bibala mu kiseera eky'ekyengera. Bali ng'oti miti egyakuukulwagho n'emizi era ni gikalira irala.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.

1 Samueli 25:6

Mwidha kumulamusa muti, ‘Emiraala gibe ku iwe, ni ku b'omu ndhu yo, ni ku byonabyona by'oli nabyo.