Yakobo 5:4 - Baibuli Ekibono kya Katonda 2014

⁴ Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Yakobo 5:4 ပူးပေါင်းရင်းမြစ်များ

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Yobu 34:28

Baaleetera abaavu okumulirira. Yaawulira okulira kwaibwe nga babadaazadaaza.

Yobu 7:2

Ng'omwiru bwe yeegomba okuwuumulaku mu kiwoleeze, era ng'omupakasi bw'asuubira empeera ye,

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Okuvaayo 22:27

kuba ekyo kye yeebwika era n'ekikunta kye ekimusuuya. Kale aghanga atya okutenduka nga tiyeebwise? Era bw'anandiriranga ndidha kumuwuliranga, kuba nze ndi wa kivunika.

Okuvaayo 3:9

Bwenebwene okulira okw'abantu bange Abaisiraeli kuntuuseeku, era naabona n'ensambo Abamisiri ye babatuntuzaamu.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 5:9

Mpuliire Musengwa Katonda Afuga Amagye ng'akoba ati: “Bwenebwene endhu kamaala dhirifuuka bifulukwa, endhu enkologho era edhiboneka obulungi dhirisigala ndhereere omuzira bantu.

Yeremia 22:13

“Akagwireku oyo azimba endhu ye mu kukupankupania, n'agitaaku n'ebisenge ebya ghaigulu mu kulyaka, ng'akozesa abantu emirimo ku bwereere aghazira kubagha mpeera yaibwe.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Habakkuku 2:11

Amabaale ge muzimbisa ebimante galibakubirira enduulu, n'embaawo edh'akasolya dhoona dhaateera okwo.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 9:37

Agho ni yaakoba Abeegeresebwa be ati: “Eby'okukungula biri kamaala, aye abakungula n'abatono.

Luka 18:7

Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Ab'e Roma 9:29

Kiri nga Isaia bwe yalanga ati: “Nguli Musengwa Afuga Amagye tiyatulekeragho izaire, twandibaire ng'oti n'ab'e Sodoma, era twafaanana ng'oti n'ab'e Gomorra.”

Amateeka Agokubiri 15:9

Mutalobanga kumuwola nga mukoba muti kuba omwaka ogwomusanvu ogw'okusoniyiramu amabandha guli kumpi okutuuka, mube nga timusasulwa bye mubandha. Mutaganhanga ndowooza mbi eyo kwingira mu myoyo gyaimwe. Bwe munaalobanga okumuwola, memale n'alirira Musengwa Katonda okubavunaana, olwo mwidha kubanga nga muli n'omusango.

Ab'e Kolosai 4:1

Imwe basengwa b'abairu, mubisenga abairu baimwe bukalamu nga bwe kigwaine, nga mwidhukira nga mwena muli ni Musengwa waimwe mu igulu.