Yakobo 5:17 - Baibuli Ekibono kya Katonda 2014

¹⁷ Eliya yali muntu buntu ng'oti niife. Yasaba inho amaadhi galobe kugwa era emyaka gyabitagho esatu n'emyezi mukaaga ng'ezira liidhi litoonha ku nsi.

Yakobo 5:17 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:1

Nga ghabiseeghooku ekiseera, Musengwa Katonda yaakoba Eliya mu mwaka ogwokusatu ogw'endoboozi, ati: “Ja weeyoleke y'Ahabu. Ndidha kugwisa amaadhi ku nsi.”

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Ebikolwa by'Abatume 10:26

Aye Petero yaamusitusa nga bw'amukoba ati: “Yemerera, kuba zeena ndi muntu buntu.”

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ab'e Roma 11:2

Katonda taziranga bantu be abo be yamanha eira. Mwidhi ebyaghandiikibwa bwe byogera ku Eliya bwe yasaba Katonda olwa Isiraeli ati:

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.